USQniñ İnsansız sistemalar quvetleriniñ komandanı Robert Brovdi "Madâr", oraq ayınıñ 21-nci ve 22-nci künleri işğal etilgen Qırımdaki 11 energetik noqtası ve ast stantsiya zarar körgenini bildirdi. Bundan ğayrı, soñ 48 saat içinde Qara ve Azaq deñizlerinde ukrayin dronlarınıñ operatorları 1 tanker, 10 quru yük taşıyıcısı ve 2 çekicige ücüm ettiler.
Oraq ayınıñ 22-nde o, Facebookta bu aqqında haber berdi ve video yayınladı.
"Oraq ayınıñ 21-nci ve 22-nci künleri İSQniñn "Qırım rubilniki off" ameliyatı Qırım (11) ve başqa VİETnıñ qısımlarında (2) 13 energetik noqtası ve ast stantsiyağa muvafaqiyetnen ücüm etti. Oraq ayınıñ 1-22 künleri arasında ameliyatlarnıñ umumiy sayısı 117 energetik maqsadı oldı. Plus, oraq ayınıñ 21-22 künleri soñ 48 saat içinde kölge flotunıñ 13 (umumen 196) gemisi ateş vastasınen Azaq ve Qara deñizlerinde yaldap ketmek kereksizligi aqınad tenbiyeledi: 1 tanker, 10 quru yük taşıyıcısı ve 2 çekici. Umumen oraq ayınıñ 6-22 künleri arasında İSQniñ "MoLoÇKa" ameliyatı çerçivesinde Qara ve Azaq deñizlerinde 196 gemi tapılıp ücüm etildi: 126 Azaq deñizinde ve 70 Qaza deñizde", — dep haber berdi "Madâr".
Hatırlatamız ki, oraq ayınıñ 22-nci gecesi işğal etilgen Qırımnıñ çeşit köşelerinde patlavlar eşitildi. Bu gece Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) beş kere ava telükesi ilân etildi. Yalta, Aluşta, Sevastopol (Aqyar) ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde elektrik energiyası kesilgeni aqqında haberler keldi.
Bizim közetüvlerimizge köre, bu çoqtan berli elektrik astyapısına yapılğan eñ muvafaqiyetli ücümlerden biridir. Cedvel tolu degildir", — dep qayd etti "Ateş" arbiy-partizan areketi.
"Qırım yeli" nezaret Telegram kanalınıñ malümatına köre, bu gece işğal etilgen Yaltadaki 110/10 kV "Massandra" podstantsiyasına urulmaq mümkün edi. Aluştada eki ast stantsiya — "Aluşta" ve "Luçıste" etrafında yanğınlar qayd etile. Feodosiyada (Kefede) de patlavlar eşitildi.
İşğalli "Krımenergo" cenübiy energetika rayonındaki elektrik energiyası teminatı obyektlerine dronlarnen ücüm yapqanını ilân etti.
"Cenübiy energetika rayonınıñ elektrik energiyası teminatı obyektleri kene de USQ tarafından dronlar ücümine oğradı. Meskün yerlerniñ bir qısmı kesildi. Yarımadanıñ şimaliy-ğarbında ve şarqında elektrik energiyası teminatınen bağlı ağır vaziyet peyda oldı. Qırım Cumhuriyetinde elektrik energiyası teminatı sıñırlavları kirsetildi. Elektrik energiyası operativ şekilde ve energetik rayonlardaki vaziyetke köre kesile. Energetika hadimleri yarımadadaki elektrik energiyası teminatını stabilleştirmek içün elinden kelgenini yapalar", — dep qayd etildi.
Evel "Madâr" haber berdi ki, oraq ayınıñ 20-ne keçer gecesi işğal etilgen Qırımda 11 elektrik ast stantsiyası ücüm etildi — Yalta, Keriç, Sudaq, Yedi Quyu, Luçıste, Morske, Prıvitne, Eski Qırım, Ponızıvtsi, Şçebetivka ve Zelemıy Yar meskün yerlerinde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
