Oraq ayınıñ 20-ne keçer gecesi işğal etilgen Qırımda 11 elektrik ast stantsiyası ücüm etildi — Yalta, Keriç, Sudaq, Yedi Quyu, Luçıste, Morske, Prıvitne, Eski Qırım, Ponızıvtsi, Şçebetivka ve Zelemıy Yar meskün yerlerinde.
Oraq ayınıñ 20-nda USQniñ İnsansız sistemalar quvetleriniñ komandanı Robert Brovdi ''Madâr'' Facebookta bu aqqında haber berdi.
"Qırımnıñ işğalli rozetkası, ukrayin yarımadasınıñ müstemlekeleştirüv yükü tolusınen silinmegence, devamlı turacaq", — dep yazdı Brovdi.
Onıñ malümatına köre, aşağıdaki elektrik ast stantsiyaları zarar kördi:
- PS 110 kV "Luçıste" elektrik ast stantsiyası,
- PS 110 kV "Morske" elektrik ast stantsiyası,
- PS 110 kV "Prıvitne" elektrik ast stantsiyası,
- PS 110 kV "Darsan" elektrik ast stantsiyası (Yalta),
- PS 110 kV "Solâna" elektrik ast stantsiyası (Keriç),
- PS 220 kV "Azaq" elektrik ast stantsiyası (Eski Qırım meskün yeri),
- PS 110 kV "Zorâ" elektrik ast stantsiyası (Ponızivka meskün yeri),
- PS 110 kV "Kapsel" elektrik ast stantsiyası (Sudaq),
- PS 110 kV "Köktebel" elektrik ast stantsiyası (Şçebetovka meskün yeri),
- PS 110 kV "Lenino" elektrik ast stantsiyası (Yedi Quyu meskün yeri),
- PS 220 kV "Nansosna-3" elektrik ast stantsiyası (Zelenıy Yar meskün yeri),
Bütün bu gecede ukrayin arbiy hızmetçileri 19 energiya noqtasına ücüm etti. Robert Brovdiniñ malümatına köre, oraq ayınıñ 1-nden 20-ne qadar Qırımda ve Ukrayinanıñ VİETlarında 104 ast stantsiya ve elektrik noqtası uruldı.
Hatırlatamız ki, oraq ayınıñ 20-ne keçer gecesi olğan ücümlerden soñ Qırımnıñ bir qısmı elektriksiz qaldı. Hususan, elektrik kesilüvleri Şimaliy, Şarqiy ve Ğarbiy energetik rayonlarınıñ meskün yerlerinde qayd etile.
Oraq ayınıñ 20-ne keçer gecesi işğal etilgen Qırımda patlavlar oldı. Nezaret gruppaları Aluşta ücüm etilgenini bildirdiler. İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayev Balıqlava rayonında eki UUA tüşürilgenini bildirdi.
Hatırlatamız ki, oraq ayınıñ 1-18 künleri Ukrayina Silâlı quvetleriniñ İnsansız sistemalar quvetleri Qırımda ve vaqtınca işğal etilgen diger topraqlarda 83 energiya noqtasına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
