Oraq ayınıñ 20-ne keçer gecesi olğan ücümlerden soñ Qırımnıñ bir qısmı elektriksiz qaldı. Hususan, elektrik kesilüvleri Şimaliy, Şarqiy ve Ğarbiy energetik rayonlarınıñ meskün yerlerinde qayd etile.
RİA "Novosti Krım", işğalli "Krımenergo"ğa atıf etip, bu aqqında haber berdi.
"UUAuçucısız uçaq aletleri ücümlerinden eñ çoq zarar körgen Şimaliy, Şarqiy ve Ğarbiy energetik rayonlarınıñ meskün yerlerine elektrik teminatı ağnıñ imkânlarına köre yapıla", — dep qayd etildi haberde.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde trolleybuslarnıñ qısmı da keç kele bile.
Keriçniñ 60 soqağında saat 22:00-ge qadar suv berilmeycek. Aluştada bugün saba saat 6:00-dan 10:00-ğace ve aqşam saat 18:00-den 22:00-gece suv berüv cedveli kirsetile.
Hatırlatamız ki, İnsansız sistemalar quvetleri oraq ayınıñ 20-ne keçer gecesi yedi Rusiye gemisine ücüm etti. Bu üç tanker ve dört quru yük taşıyıcısı. İSQniñ komandanı Robert "Madâr" Brovdi bu aqqında haber etti.
Bundan da ğayrı, İSQ yarımadadaki yedi ast stantsiyasına, şu cümleden Yalta, Morske, Prıvitne, Luçıste ve diger VİETda çalışqan edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
