"Ateş" arbiy-partizan areketi Rusiye Federatsiyasınıñ Qara deñiz flotunıñ işğal etilgen Qırımdaki büyük logistika noqtasını teşkergenini bildirdi. Toplanğan malümat, areketniñ malümatına köre, Ukrayina mudafaa quvetlerine berildi.
Areket Telegramda bunı bildirdi.
Areketniñ malümatına köre, agentler Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) rayonınıñ Novoozerne köyü civarında yerleşken 758-inci Maddiy-tehnikiy teminat merkezi, Qırım arbiy-deñiz bazasınıñ obyektleri, "Misteçka-7" ve lager-anbarnı tafsilâtlıca teşkerdiler.
"Ateş"niñ qayd etkenine köre, bu obyektler RF Qara deñiz flotunıñ gemileri ve yarımadada Rusiye ordusınıñ topraq bölükleri içün silâ, yaqarlıq, aşayt ve tehnikiy mal-mülkniñ berilmesi içün yekâne logistika noqtasını teşkil ete.
Areketniñ malümatına köre, istihbarat teşkerüvi vaqtında anbar zonalarınıñ yerleşüvi, tehnika saqlav meydançıqları, yük naqliyatınıñ areket marşrutları, em de bu obyektlerniñ faaliyeti qayd etildi.
"Toplanğan bütün malümat Ukrayina Mudafaa quvetlerine berildi ve duşmannıñ arqa astyapılarına ücümlerniñ daa doğru planlaştırılması ve Qırımdaki logistikasınıñ sistematik zayıflatılması içün qullanılacaq", — dep bildirdi "Ateş" areketi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
