2025 senesiniñ soñunda Odesa deñiz limanında tutulğan rusiye gemisiniñ kapitanı işğal etilgen Qırımdaki qapalı limanğa qanunsız kirgeni ve tahminen 2 biñ tonna şingen gaz çıqarğanı içün mahkeme etilecek.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, apiske alınğan gemide keçirilgen tintüvler ve alınğan vesiqalarnıñ talili vaqtında uquq qorçalayıcılar qabaatlanğan şahısnıñ, faaliyetini gizlemek içün bir qaç kere adı ve bayrağı deñiştirilgen, sanktsiyağa oğrağan tanker-gaz gemisini idare etkenini belgilediler.
Tahqiqat, 2024 senesi kapitan, Ukrayinanıñ resmiy deñiz keçiş noqtalarından qaçıp, Afrika devletlerinden birisiniñ bayrağı altında olğan gemini qapalı Keriç deñiz balıq limanına alıp ketkenini belgiledi. İşğal etilgen yarımadadan Yaqın Şarq memleketlerinden birine ketirilmesi içün tahminen 2 biñ tonna şişingen gaz çıqarıldı.
Prokurorlıqnıñ malümatına köre, qanunsız seferni gizlemek içün kapitan geminiñ kerçek marşrutı aqqında yañlış malümat berdi, em de gemilerniñ areketini taqip etmek içün qullanılğan AIS avtomatik identifikatsiya sistemasını bazıda söndürgen edi.
Müessise qayd etti ki, böyle areketler halqara sanktsiyalarnı bozmaq ve vaqtınca işğal etilgen Ukrayina toprağından resurslarnı qanunsız sürette çıqarmaq içün qullanıla.
Kapitan vaqtınca işğal etilgen Ukrayina toprağına kiriş ve çıqış tertibini bozğanıUkrayina CQniñ 332-1-nci maddesiniñ 2-nci qısmında qabaatlana. Madde beş yılğa qadar apis cezasını bere.
Jurnalist tahqiqatlaro Mmrkeziniñ malümatına köre, bu Mazin Alqadi Yusuf.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
