İşğal etilgen Qırımda gece ücümlerinden soñ elektrik teminatı vaqtınca sıñırlandı. Bu ise, elektrik ağınıñ aşırı qullanılmasından qaçınmaq kerekliginen bağlıdır.
"Krımenergo" işğalli müessisesi bunı bildirdi.
Sistema operatorınıñ qararı esasında saatlik söndürüv cedveli şimdilik yoq. İşğalli hızmetlerniñ qayd etkenine köre, elektrik teminatı yükke köre kesile.
Elektrik energiyasız qalğan şeer ve rayonlar
İşğalli "Krımenergo"nıñ malümatına köre, elektrik ağlarında tehnikiy bozuluvlar sebebinden Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Saq, Krasnoperekopsk (Yañı QapuRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Canköy qullanıcıları elektriksiz qaldı. Bundan ğayrı, Krasnoperekopsk (Yañı Qapu), Saq, Canköy ve Qurman rayonlarınıñ sakinleri elektrik energiyasız qala.
İşğalli memuriyetniñ bildirgenine köre, fevqulâde vaziyetni ğayrıdan tiklev işleri devam ete, elektrik teminatınıñ ğayrıdan tiklenmesi ise tahminen bir künde planlaştırıla.
Saq şeerinde suv cedveline köre berile
Saq şeeriniñ işğalli "başı" Yuliya Predıbaylo bildirdi ki, şeerde elektrikler kesilüvi devam ete.
Onıñ aytqanına köre, acele yardım taqımları gece-kündüz çalışa.
Elektrik energiyası teminatı bozulğanı sebebinden suv berilüvi tek saat 13:00-ten 19:00-ğa qadar yapılacaq.
Keriçte elektriksiz qaldı
Keriçniñ işğalli "başı" İvan Koşel bildirdi ki, dron ücüminden soñ şeer bütünley elektriksiz qaldı.
Onıñ aytqanına köre, yaşayış teminatı obyektleri yedek energiyası vastasınen çalışa, fevqulâde vaziyetler hızmetleri ise tamir işlerini yapa.
Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) saatlik söndürüvleri qaytarıldı
"Sevastopolenergo" bildirdil ki, Qara deñiz RDU dispetçeriniñ emirinen saat 09:07-den elektrik teminatınıñ vaqtınca sıñırlav rejimi kirsetildi.
İşğalli müessise, "üçten üçke" söndürüv cedveline qaytqanını bildirdi.
Qırımnıñ şimalinde yaşağan sakinler uzun müddet devamında elektriksiz qalğanını bildireler
İşğalli "Qırım yolbaşçısı" Sergey Aksönovnıñ bildirgenine tefsirlerde yarımadanıñ şimaliy rayonlarınıñ sakinleri, mesken yerlerinde eñ az bir aftadan berli elektrikler yoq olğanından şikâyet eteler.
İşğalşi akimiyetniñ tamir işleri aqqında bildirgenine baqmadan, qullanıcılarnıñ aytqanına köre, elektrik teminatınen bağlı vaziyet qıyın qala, söndürüvler ise muntazam ola.
Hatırlatamız ki, Qırımtatar Milliy Meclisiniñ reisi Refat Çubarov Suspilne Qırımğa tefsirinde, işğal etilgen Qırımda elektrik energiyası ve yaqarlıq qıtlığı sebebinden bir çoq müessiseniñ işi toqtatılğanını, yarımadanıñ bazı rayonlarında ise suv teminatı meseleleri sebebinden vaziyet gumanitar buhranğa yaqınlaşqanını bildirgen edi.
Çubarovnıñ aytqanına köre, eñ çoq zarar kiçik ve orta bizneske, hususan faaliyetleri elektrik ve yaqarlıqqa bağlı olğan agrar sektorı şirketlerine ketirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
