Oraq ayınıñ 15-ne keçer gecesi Ukrayina arbiy hızmetçileri Qara deñizdeki 20 Rusiye gemisini urdılar, olarnıñ arasında neft tankerleri, gaz tankerleri ve çekici gemisi bar edi.
USQniñ İnsansız Sistemalar Quvetleriniñ komandanı Robert "Madâr" Brovdi bunı bildirdi.
Onıñ aytqanına köre, Azaq deñizinde cenk işleri bitken soñ, ukrayin bölükleri Qara deñizde areket etmege başladı.
"Rusiye Federatsiyası kölge flotunıñ Azaq deñizindeki 116 gemisi — deñiz uruşınıñ birinci basamağı bitti. Şimdi Qara deñiz", — dep yazdı Brovdi.
İlk malümatqa köre, gece devamında 20 gemi zarar kördi: 17 neft tankeri, eki gaz tankeri ve bir çekici.
Komandan qayd etti ki, tafsilâtlı ve video delillernen resmiy maruza daa soñra derc etilecek.
Brovdiniñ aytqanına köre, ücümler Rusiye deñiz logistikası ve Rusiye menfaatları içün neft, neft mahsulatı ve diger yüklerni taşımaq içün qullanılğan kölge flotunıñ işini bozacaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
