"Ateş" arbiy-partizan areketi bildirdi ki, onıñ agentleri işğal etilgen Canköyde Rusiye FSBsiniñ sıñır idaresi üzerinde daimiy nezaret eteler. Faallerniñ aytqanına köre, olar hadimlerniñ, tehnikanıñ areketini qayd ete ve Rusiye quvetçileriniñ işi aqqında malümat toplaylar.
Oraq ayınıñ 11-nde Telegramda bu aqqında bildirdiler.
"Ateş" agentleri işğal etilgen Canköyde FSB sıñır idaresini sürekli nezaret eteler. Bu kritik bir noqta, yarımadanıñ şimalinde nezaretni idare etmek içün duşman mahsus hızmetleri tarafından qullanıla. Amma bizim içün o endi çoqtan açıq kitap oldı: adamlarımız hadimlerniñ areketlerini, tehnikanı ve müessiseniñ içki iş tertibini qayd ete", — dep partizanlar tarif ettiler.
Partizanlar qayd eteler ki, bütün koordinatlar Ukrayina mudafaa quvetlerine berildi.
"İşğalcilerge hatırlatmaq kerek ki, olarnıñ Qırımdaki telükesizligi — muvaqqat bir şey. Soñ vaqıtları bölgede FSB obyektlerine yapılğan muvafaqiyetli uçuşlar isbatladı: iç bir qamaçav siziñ öcünüzü almaz. Er bir adımıñız qayd etile, ve iş yerleriniñ koordinatları Ukrayina Mudafaa quvetlerine berildi. Rusiye quvetçileri Canköyni özleri içün telükesiz olğanına inanalar, lâkin kerçekte olar er daim nişan astında bulunalar. Biz tek iş faalligini degil de, gölgede qalmağa ümüt etken müim hadimlerniñ yaşağan yerlerini de taqip etemiz. Telükesizlik sisteması bütünley bozulğan. Yañı ücümler — sadece vaqıt meselesi. Canköydeki FSB hadimlerine: adıñız belli, keçken seferler yalıñız bir ihtar edi. Öz ayatını saqlamaq içün yekâne yol — işbirlik", — dep haberde aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
