Oraq ayınıñ 10-na keçer gecesi Qırımda patlavlar oldı. Nezaret gruppaları, Yevpatoriyadaki (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) "Moynakı" ast stantsiyasına ücüm aqqında haberlerni aldı. Rusiye Mudafaa nazirligi Qırım, diger VİET, Azaq deñizi ve Rusiye bölgeleri üzerinde 376 uçucısız uçaq aleti tüşürilgenini yazdı.
Yarımada üzerinde qaç dronnı yoq etkenleri belli degil.
"Qırım yeli vetr" saat 02:37-de AMS çalışqanı aqqında haber etti.
"Moynakı" stantsiyasına muvafaqiyetli ücüm aqqında resurs saat 02:30-ta yazdı.
"Yevpatoriyada (Kezlev — terciman), İnternatsionalna soqağı, 149-da elektrik ast stantsiyasına ücüm qayd etildi. 110/10 kV "Moynakı" ast stantsiyası — müim bir energiya noqtası ve alçaqlaştırıcı elektrik ast stantsiyası, — dep aytıla haberde.
Saat 03:42-de, abunecilerge atıf etip, kanal stantsiyada yanğın aqqında haber etti.
"Yevpatoriyada (Kezlevde — terciman) 110/35/10 kV "Moynakı" elektrik ast stantsiyası yanıp başladı. Şeer ve onıñ civarındaki meskün yerler yarıqsız qaldı, dep bildirdi abuneciler. 2024 senesi 1 mlrd rublelik elektrik stantsiyasınıñ büyük modernizatsiyası yapıldı. Rekonstruktsiya vaqtında küç transformatorları deñiştirildi ve umumiy küçü aman-aman dört qat arttı — 126 MVA-ğa qadar", — dep yazdı "Qırım yeli".
"Voda Krıma" işğalli müessisesi bildirdi ki, yarımadada "Krımenergo" müessisesi elektrik ağlarında yüz bergen qaza sebebinden suv teminatı qısmen yoq oldı.
Ukrayina akimiyetiniñ vekilleri saat 08:00-ge qadar izaat bermedi. İşğalli akimiyet ve Rusiye memurlarınıñ tefsirleri de yoq edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
