Oraq ayınıñ 8-ne keçer gecesi işğal etilgen Qırımda patlavlar yüz berdi. Keriçte şimdilik elektrik yoq.
Şeerniñ işğalli yolbaşçısı İvan Koşelge atfı etip, RİA "Novosti Krım" bunı bildirdi.
UDP 1// RİA "Novosti Krım"nıñ işğal "Krımenergo"ğa atıf etip bildirgenine köre, uçucısız uçaq aletleriniñ ücümleri neticesinde Qırımnıñ şarqiy qısmı ve yarımadanıñ şimaliy-ğarbiy rayonı elektriksiz qaldı.
Rusiye Mudafaa nazirligi oraq ayınıñ 8-ne keçer gecesi vaqtınca işğal etilgen topraqlarda, şu cümleden Qırım, Azaq ve Qara deñizleri ve Rusiye toprağı üzeerinde 415 uçucısız uçaq aletiniñ tüşürilgeni aqqında bildirdi.
"Qırım yeli" nezaret kanalı saat 00:47-de yarımadada patlavlar aqqında haber etti.
Bundan soñ kanal abunecileri Bağçasaray rayonında, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde elektrik kesilüvleri aqqında haber ettiler.
USQ ve ukrayin akimiyetiniñ ücümler aqqında bildirüvleri olmadı.
Saat 04:32-de Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) patlav aqqında malümat peyda oldı.
Hatırlatamız ki, oraq ayınıñ 7-nde Sevastopol (Aqyar) ve Yalta işğalli memuriyetleri iş adamları içün elektrik energiyasınıñ sıñırlanğan qullanuv rejiminiñ kirsetilüvi aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
