İşğal etilgen Qırım, Rusiye ordusınıñ cenübiy Ukrayinadaki esas logistika ve arbiy merkeziniñ emiyetini yavaş-yavaş coya, çünki astyapığa muntazam sürette ücümler yapıla ve teminat qıyınlaşa, dep tüşüne arbiy közetici Oleksiy Svınarenko.
Oraq ayınıñ 6-nda Suspilne canlı yayınında o, bunı ayttı.
"Şunı añlamaq kerek ki, zarar körgen maqsatlar daa çoq, çünki er bir maqsatnı doğru şekilde teşkermek mümkün degil. Qırım bütün cenübiy cebeniñ logistikanı temin etmek içün eki esas bazadan biri edi, bundan da ğayrı, Qırım cenübiy ve merkeziy Ukrayinağa ücüm etmek içün bir temel ola. Qırımdan çoq sayıda şahedRusiyeniñ Ukrayinağa qarşı cenkte çoq qullanğan İran kamikadze (qoruq malzemesi) ücüm dronı, ballistik raketalar çıqarılğanı içün, uzun vaqıt devamında o, "Kalibr" qanatlı raketalarını çıqarmaq içün baza edi (bugün duşman olarnı Novorossiya rayonından çıqara, çünki onıñ flotu Qırımdan çıqarıldı). Qırım bügün duşmannıñ temeli, teminat bazası ola ve logistikağa ücüm etmeleri, duşmanğa qarşı AMSAva mudafaası sistemasınıñ eksilüvi sayesinde, bugün Qırım duşman içün telükesiz olmay ve o, yavaş-yavaş logistika merkezi rolüni coya ve artıq "yük"ke çevirile, çünki onıñ teminatı — daa ayrı bir vazifedir", — dep ayttı mütehassıs.
Hatırlatamız ki, İnsansız sistemalar quvetleriniñ komandanı Robert Brovdi "Madâr" bildirdi ki, eki kün içinde vaqtınca işğal etilgen cenübiy topraqlarda, şu cümleden Qırımda, 16 elektrik qavuşağı zarar kördi. "Madâr" öz Facebook saifesinde video yayınlap, "Qırım rubilniki"niñ işlev — off" olğanını qayd etti.
"Bu, rozetka aqqında degil, Qırımdaki duşman arqalarınıñ yoq etilüvi aqqındadır: AMSnıñ umumiy yoq etilmesi, logistika ve yaqarlıq açlığı, energiya ve alâqa", — dep qayd etti "Madâr".
The New York Times neşiriniñ bildirgenine köre, vaqtınca işğal etilgen Qırımnıñ arbiy astyapılarına ukrayin dronlarınıñ kütleviy ücümleri Rusiye ordusınıñ logistikalarını toqtata, onı qoruvğa keçmege mecbur ete, ve qoşa — "yarımada coğrafiy yeri sebebinden Rusiye içün büyük strategik emiyetke saip, amma aynı zamanda pek zayıf".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
