Ukrayina Silâlı quvetleriniñ pilotsız sistemaları quvetleriniñ komandanı Robert Brovdi işğal etilgen Qırımda soñki eki künde 10 elektrik santrali bozulğanını bildirdi. Umumen, oraq ayı 1-den 5-ke qadar Ukrayinanıñ vaqtınca işğal etilgen territoriyalarınıñ cenübiy qısmında 37 energetik noqtağa ücüm etildi.
O, Facebookta bu aqqında bildirdi.
"Madâr"nıñ malümatına köre, soñki künleri yarımadada böyle elektrik stantsiyaları bar edi:
- PS 110 kV "Kovılne"
- PS 110 kV "Stepne"
- PS 35 kV "Yañı Kapu";
- PS 110 kV "Traktove";
- PS 110 kV "Nıva";
- PS 110 kV "Zımne";
- PS 220 kV "Bağçasaray";
- PS 110 kV "Saqı";
- PS 330 kV "Ğarbiy-Qırım" Karyernede;
- PS 35 kV "Slovyanske"
Bundan evel Ukrayina Silâlı quvetleriniñ pilotsız sistemaları quvetleriniñ komandanı Robert ("Madâr") Brovdi işğal etilgen Qırımda oraq ayı 3-de gece sekiz elektrik stantsiyası ve gaz kompressor stantsiyasınıñ zarar körgenini tasdıqladı.
Hatırlatamız, oraq ayınıñ 3-nde işğal etilgen Qırımda elektrik stantsiyalarınıñ bozulması neticesinde yarıqsızlıq oldı. Bundan ğayrı, oraq ayınıñ 5-nde gece bir qaç elektrik stantsiyasında yañı yanğınlar qayd etile. Bundan evel "Bağçasaray", "Zimino" ve "Slovânsk" taqımları ücümge oğradı, em de Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Kaçada ücüm qayd etildi. İşğalciler bir insan elâk olğanını ve eki yaralanğanını bildire.
Bundan da ğayrı, UHH "A" Mahsus Operatsiyalar Merkeziniñ askerleri keçken afta işğal etilgen Qırımda yaqıt ve yağ anbarlarına ve VİET-daki diger arbiy obyektlerge ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
