Ukrayina havfsızlıq hızmetiniñ askerleri bir aftada ekinci kere "Saqı" ava limanında qırıcılarğa ücüm etti, em de işğal etilgen Qırımda "Gvardiyske" ava limanında "Şahed" ve aviatsiya donatmalarınıñ eki angarına ücüm etti.
Oraq ayınıñ 3-nde UHH Facebookta bu aqqında bildirdi.
Hususan, "Saqı" ava limanında, Su-30SM, Su-30, Su-24 qırıcı ve cebe bombardımancıları saqlanğan yedi aviatsiya tehnikası angarına ücüm etildi. Eñ azından yedi uçaq yoq etildi ya da zararlandı.
"Saqı" ve "Gvardiyske" arbiy ava limanları Qırımdaki Rusiye işğalci ordularınıñ esas ava bazalarından biridir. Ukrayinada raketa ve bomba darbelerini endirgen ve cenübiy yönelişte Rusiye gruppirovkasınıñ areketlerini temin etken taktik aviatsiyanıñ uçaqları muntazam sürette andan uçıp kele", — dep haberde aytıla.
Hatırlatamız, Ukraina Silâlı quvetleriniñ pilotsız sistemalar quvetleriniñ komandanı Robert ("Madâr") Brovdi, oraq ayı 3-de gece işğal etilgen Qırımda sekiz elektrik stantsiyası ve gaz kompressor stantsiyasınıñ zarar körgenini tasdıqladı.
Evel o, oraq ayı 1-2 künleri Ukrayina İnsansız sistemalar quvetleriniñ bölükleri işğal etilgen Qırımda doquz elektrik stantsiyasına ücüm etkenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
