Ukrayina Silâlı Quvetleriniñ mudafaa quvetleri Zaporijjâ vilâyetiniñ Azov rayonında yol köpürine ve işğal etilgen Qırımda İçki yanında demiryol köpürine uruldılar.
İlk yaz ayı 30-da «Feysbuk»ta Ukraina Silâlı Quvetleriniñ Baş ştabı bu aqqında haber etti.
Bu köpürlerden Rusiye askerleri kadrlar, silâ, cenk silaları, maddiy-tehnikiy vastalarnı köçürmek içün qullanıla.
İlk yaz ayınıñ 30-da Qırımnıñ işğalci başı Sergey Aksönov yaqın kelecekte yarımadada büyük kölemlerde yaqıcı olmayacağını bildirdi. Aynı vaqıtta Sevastopolde yaqıcı sıñırlavlar tahminen daa bir ay devam etecek.
Hatırlatamız ki, ilk yaz ayı 30-da işğal etilgen Qırımnıñ bir qaç yerlerinde elektrik ve suv qısmen yoq, Sevastopolda kene de eki saatlik vaqtınca elektrik energiyasını sıñırlav rejimi kirsetildi. Aynı vaqıtta, evel ilk yaz ayı 28 gecesi ücümge oğrağan Saq TES-ine «büyük zarar» keldi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
