Qırımdaki patlavlar: yanğınlar uydulardan qayd etile

İşğal etilgen Qırımda ilk yaz ayınıñ 29-nda gece Keriçte küçük vatandaş aviatsiyasınıñ ava limanı ve "Maryanivka" büyük elektrik stantsiyasınıñ yanında yanğınlar qayd etildi, anda yarıq qısmen yoq oldı, em de Tamanada "Qırım energetik köpüriniñ" "Kuban" keçiş noqtası yanıp başladı. Aynı vaqıtta Aqyarda Rusiye ava mudafaası 29 dronnı urdı.

Aqyar (Sevastopol) "gubernatorı" Mihail Razvojayev bu aqqında bildirdi.

Şeerde ava telükesi eki kere çıqtı: 23:27 — 00:50 ve 06:08 — 07:33. Razvojayev Şimaliy tarafında eki uçaq tüşürilgenini iddia ete, umumen 29 UUA tüşürildi.

Aynı vaqıtta "Qırım veter" Telegram-kanalınıñ monitoring gruppası uydu malümatına esaslanıp, Keriçniñ küçük vatandaş aviatsiyası ava limanı civarında yanğın aqqında bildirdi.

"Qırım veter"niñ malümatına köre, Qurman rayonınıñ Maryanivka köyünden, mında 220/35 kV "Maryanivka" elektrik stantsiyası yerleşken, qara duman Kurman köyüne doğru kete. Saat 04:00-dan itibaren köyde ve ihtimal civarındaki köylerde elektrikler yoq.

Bundan da ğayrı, gece olğan ücümden soñ İlinka köyü yanında "Qırım energetik köprü"niñ "Kuban" keçiş noqtası yanıp başladı, dep "Qırım veter" uydu malümatına esaslanıp bildire.

Mında, Keriç boğazından keçüv obyektleriniñ terkibine boğaz tübünde yerleşken suvastı kabel hatları ve boğaznıñ eki yalısındaki keçüv noqtaları (Taman yarımadasında ve Qırımda) kire, dep añlattılar.

"Taman yarımadası tarafından keçiş noqtasınıñ meydançığı, "Kuban" QA-dan suv boğazına qadar 220 kV QA bölügi, keçiş noqtasına qadar yol ve keçiş noqtasınıñ öz ihtiyaclarını temin etmek içün 10 kV QA yerleştirildi... Er bir yolaq 285 MVt elektrik energiyasını keçire bile", - dep haberde aytıla.

Aynı vaqıtta Keriç yarımadasınıñ şimalinde uydu Rusiye arbiy-deñiz silâsınıñ yerleşken yerlerinde yanğınlarnı qayd etti.

"Dünen kündüz Büyük Qamışlıq ve Azaq deñiziniñ yalısında yahşı yanğan edi. Anda S-300/S-400 zırhlı raketalarınıñ pozitsiyaları yerleşe", — dep "Qırım veter" haber ete .

Bundan ğayrı, beş saat devamında Qırım köprüniñ maşna areketi toqtatıldı, dep Köprüge kirüv yollarındaki vaziyet aqqında avtoyollardaki işğalci merkez bildire.

Saba saat 08:00-da, köprü ögünde Tamana tarafından 630 maşina tura, Keriç tarafından ise — 650.

Hatırlatamız, işğal etilgen Qırımda sakinler yaqıt qıtlığı, yarıqsızlıq ve bağ bozulması, fiyatlarnıñ köterilmesinen daa sıq qarşılaşalar. Yaqarlıq stantsiyalarında nevbetler saatlernen devam ete, naqliyat alâqaları qısqartıla, insanlar uzun vaqıt yarıq söndürilmesine azırlana. Mallarnıñ kütleviy qıtlığı olmasa da, bazı mallarnıñ fiyatları köterildi.

Düzenli ava telükesi ve patlavlar sebebinden qırımlılar öz evlerinde saqlana ve yañı yaşayış şaraitlerine alışmağa tırışa. Qırımnıñ dört sakini "Suspilne Qırım" saifesinde anonimlik şartları ile bu aqqında tarif etti.

Daa evel Ukrayina Silâlı quvetleriniñ Baş ştabında bildirdiler ki, ilk yaz ayınıñ 28-nde işğal etilgen Qırımda mudafaa quvetleri, işğalciler tarafından ordularnı avuştırmaq ve olarnı temin etmek içün qullanılğan İçk rayonındaki demiryol köprüsine ücüm etti.

Читати ще