Ukrayina Anayasası Kününe "Hızmetler içün" III derece ordeninen jurnalist, sabıq Qırım siyasiy mabüsi Vladislav Yesipenk taqdirlendi.
Ukrayina Prezidentiniñ №532/2026 buyruğında bu aqqında aytıla.
"Ukrayina devletçiliginiñ pekitilmesinde emiyetli hızmetleri, Ukrayinanıñ suvereniteti ve topraq bütünliginiñ qoruvında kösterilgen cesaret ve fedakârlığı, cemiyet ayatınıñ çeşit saalarınıñ inkişafında emiyetli şahsiy issesi, ihtisasiy vazifelerini can-yürekten yerine ketirgenligi içün YESIPENKO III derece "Hızmetler içün" nişanı ile Vladislav Leonidoviçni — "Radio Svoboda" Kıyiv bürosınıñ mütehassıs olmağan mühbiri taqdirlemek", — dep vesiqada aytıla.
Vladislav Yesipenko "Qırım aqiqatı" leyhasınıñ jurnalisti ola. O, içtimaiy ve ekologik meselelerni aydınlattı, qırımlılarnıñ soravlarını çıqardı. 2021 senesi saban ayınıñ 10-nda işğal etilgen Qırımda Rusiye FSBsi tarafından Ukrayina faydasına casuslıq yapqanında ve maşinada "öz başına yapılğan patlayıcı cihaz" saqlağanında qabaatlanıp tutuldı.
2025 senesi ilk yaz ayınıñ 20-nde o, Rusiye apishanesinden azat etildi. Bir qaç tranzit memleketten soñ Vladislav Çeh Cumhuriyetine barıp, onı qorantası - apayı ve qızı bekley edi. O, işğalci akimiyet tarafından berilgen bütün "cezanı" (4 yıldan ziyade) tolusınen çekken edi. Jurnalist şartlı olaraq azatlıqqa çıqmağa aqqı olsa da, rusiyeliler onı qanunsız müddetiniñ soñuna qadar apiste tuta.
Şimdi o jurnalist faaliyetini devam ete, 2014 senesinden berli Rusiye esirliginden vatandaşlarnıñ azat etilüvini qorçalay, ukrayin ordusına yardım ete.
Vladıslav Yesıpenko aqqında ne bilemiz
Vladıslav Yesıpenko - "Qırım.Aqiqat"nıñ "Radio Svoboda" leyhasınıñ jurnalisti. O, içtimaiy ve ekologik meselelerni aydınlattı, qırımlılarnıñ soravlarını çıqardı. 2021 senesi saban ayınıñ 10-nda işğal etilgen Qırımda Rusiye FSB tarafından Ukraina faydasına casuslıq yapqanında ve maşnasında "öz başına yapılğan patlayıcı alet" saqlağanında qabaatlanıp tutuldı.
Mustaqil advokatnıñ kirgeni Aqmescit "makemesi"niñ oturışında, o, Rusiye mahsus hızmetleri tarafından işkencege oğratılğanını bildirdi.
"Gratı" neşiriniñ baş muarriri Anton Naumlük ukrain jurnalisti Yesıpenkonıñ elektriknen işkencege oğratılğanını bildirdi.
2022 senesi kiçik aynıñ 16-nda işğalli Aqmescit rayon makemesi Yesıpenkoğa umumiy rejimli müstemekede altı yıl apis cezasını ve 110 biñ rublelik (39 600 ğrıvnâ) para cezasını berdi.
2022 senesi arman ayınıñ 18-nde Qırımnıñ işğalli Yuqarı makemesi apellâtsiya şikâyetinde serbest jurnalistniñ apis cezasını bir yılğa qısqarttı.
Şimdi Vladıslav Yesıpenko umumiy rejimli müstemlekede 5 yıllıq apis cezasını çeke.
Rusiyeniñ Ukrainağa istilâsı başlağan soñ, Qırımdaki Rusiye müstemlekesiniñ hadimleri, "patlayıcı alet saqlağanı ve taşığanı" içün qanunsız olaraq maküm etilgen jurnalist Vladıslav Yesıpenkonen alâqalarnı sıñırlaylar.
Bundan da ğayrı, Keriçniñ 2-nci apishanesinde tolu miqyaslı istilâ başlağan soñ Yesıpenkonıñ areket tarzı ve sözleri diqqatnen közetile. Aman-aman er afta apishaneniñ "memuriyeti" tarafından çağırıla ve advokat ve qorantasına bir şey aytmamağa tevsiye etile.
2024 senesi orta küz ayında halq mevusı Yaroslav Yurçışın bildirdi ki, Vladıslav Yesıpenkonı ekinci apis müddetine azırlamağa tırışalar.
O yıl orta küz ayınıñ soñunda siyasiy mabüsniñ apayı Katerına Yesıpenko, aqayı Vladıslavğa qarşı ahlâqiy basqı quvetleşkenini bildirdi. Sıñırcı, onıñ ruhiy alına tesir etken şaraitte buluna.
2024 senesi boş aynıñ soñunda Freedom Now uquq qorçayıcı teşkilâtı, Volodımır Yesıpenkonıñ davası boyunca sebepsiz apiske alınuv meseleleri boyunca Birleşken Milletlerniñ İşçi gruppasına muracaat etti. Vesiqada onıñ Qırımda zenaat vazifelerini eda etüvinen bağlı aqlarınıñ bozuluvı qayd etile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
