İşğal etilgen Yaltada ekologik yollar ve marşrutlar ilk yaz ayı 30-na qadar qapatıldı. Ziyaret etmek içün yalıñız "Yalta — Bağçasaray" umumiy qullanuv avtomobil yolu boyunca yerleşken marşrutlar ve yollar qullanıla bile.
RİA "Qırım Haberler" bu aqqında bildire.
"Yalta dağ-orman" devlet tabiat qoruğınıñ territoriyasında yalıñız "Yalta — Bağçasaray" umumiy qullanuv avtomobil yolu boyunca yerleşken marşrutlar ve yollar ziyaret etilecek", — dep haberde aytıla.
İşğalciler yollarnıñ qapatıluvını yanğınğa qarşı rejim ile añlatalar.
Hatırlatamız, Qırımda tabiat obyektlerine kiriş sıq-sıq qapatıla.
2026 senesi çiçek ayında Qırımdaki Stangeyev yoluna kiriş sıñırlavları devam ettirildi. İşğalciler Taraqtaş yolunı da qapattı. Eki marşrutqa yalıñız rehberlernen barmaq mümkün, dep "Novosti Krıma" agentliginiñ "Qırımnı saqla" işğalci teşkilâtınıñ müdiri Artur Murzahanovnıñ malümatına esaslanıp bildire.
Çiçek ayında Qırımnıñ işğalci akimiyeti yarımadanıñ tabiat qoruv territoriyalarına kiriş sıñırlavını devam etmege qarar aldı — Qazanda minasında "Opukskiy" ve "Kazantipskiy" qoruqlarını ziyaret etmek. Bundan evel, 2025 senesi çiçek ayı 1-den başlap, işğalci memuriyet Opuk qoruğınıñ territoriyasını turistler içün qapatqan edi. O vaqıt sıñırlavlar "siyasiy vaziyet" sebebinden belgisiz müddetke ilân etilgen edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
