İşğal etilgen Qırımdan Rusiyege ukrayin siyasiy mabüslerini çıqarmağa başladılar. Hususan, Rusiye arbiy hızmetçileri Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsından 2023 senesi baarde hırsızlağan Melitopollı jurnalist İrına Levçenkonı alıp kettiler.
RİA "Melitopol" neşiri bunı bildirdi. İrına Levçenkonıñ apiske alınğanı aqqında mabüsniñ qardaşı gazetağa bildirdi.
"Onıñ qardaşınıñ aytqanına köre, gece Simferopol (Aqmescit — terciman) SİZOsından Krasnodarğa onğa yaqın mabüs alıp ketirildi. İnsanlarnı kondisionersiz, tıqanıq arabalarğa yüklediler. Krasnodardaki SİZOda elektrik ve suv olmağanı belli oldı, mabüslerge quru aşlar berildi", — dep aytıla haberde.
Yaqınları, neşirniñ yazğanına köre, etap işğal etilgen Qırımdaki vaziyetnen bağlı olğanını tüşüneler.
Hatırlatamız ki, İrına Levçenko apishanede resmen qabaatlanmadan tutula. Qorantasına Rusiye tarafı onı "terrorizm"de qabaatlamağa tırışqanını ayttılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
