İsveçiya mahkemesi, ukrayin tahqiqatınıñ malümatına köre, işğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) qanunsız alda aşayt mahsulatını çıqarğan ve Rusiye Federatsiyasınıñ kölge flotuna kirgen Caffa gemisini yaqaladı. Ukrayina bu qararnı müim halqara misal olaraq adladı. Suspilne Qırım jurnalistleri, bunıñ işğal etilgen Qırımdan ve Ukrayinanıñ diger VİETlarından qanunsız yolnen ketirilgen gemilerniñ yaqalanmasına yol açıp açmaycağını ögrendi.
2025 senesi ilk yaz ayında ukrayin taqiqatçıları Caffa gemisini közetmege başladılar.
"Geminiñ saipleri, idareciligi, bayrağı deñiştirildi ve işğal etilgen Sevastopolğa (Aqyarğa — terciman) ilk yaz ayınıñ soñunda keldi. Biz onı anda kördik, bayraqqa diqqat ayırdıq, çünki o vaqıt o, Guinea False"Guinea False" ("Sahte Gvineya") işareti — halqara deñiz malümat bazalarında (bu cümleden, global Equasis sistemasında ve IMO cedvellerinde) geminiñ qanunsız surette Gvineya Cumhuriyetiniñ sahte bayrağını qullanğanını köstergen mahsus status. olaraq qayd etilgen edi", — dep añlattı "Barıştırıcı" Merkeziniñ SeaKrime leyhasınıñ jurnalisti Katerına Yaresko.
Ukrayinada bu vaqia sebebinden cinaiy dava açıldı ve 2025 senesi boş ayda Caffağa qarşı sanktsiyalar kirsetildi. Onıñ içün İsveçte tutulğan soñ, ukrayin tarafı gemini apiske almağa rica etti.
"İsveçiya Qırallığınıñ mütenasip organlarına Ukrayina tahqiqatı tarafından belgilengen vaziyetni tasdıqlağan cinaiy dava malümatları yollanıldı. Bu, geminiñ faaliyeti, onıñ marşrutları, qapalı Qırım limanlarınıñ qullanuvı, em de protsessual areketlerniñ kerekliligi aqqında malümat edi", — dep ayttı UHHUkrayina Havfsızlıq hızmetiniñ Qırım Muhtar Cumhuriyetindeki Baş idaresiniñ taqiqatçısı.
İlk yaz ayınıñ başında İsveçiya mahkemesi ukrayin tarafınıñ fikrine qol tuttı ve gemini apiske aldı. Katerına Yaresko dedi ki, Caffa davası halqara uquq alanında bir misal teşkil ete:
"İlk sefer ükümet muracaatımızğa tam olaraq böyle cevap berdi. İsveçiya istegen er şeyni yaptı, ve bu devletler arasında pek müim işbirliktir. Neticesi pek müimdir, çünki uquqiy mehanizmlerniñ çalışqanını köstere".
Ukrayina içün bu tek bir gemi davası degil. UHHniñ Qırım Muhtar Cumhuriyetindeki Baş idaresiniñ hadimleri Rusiye Federatsiyasınıñ gizli flotunıñ diger gemileriniñ qanunsız faaliyeti aqqında malümat toplaylar.
"Yoldaşlardan alınğan resimler, gemilerniñ avtomatik identifikatsiyası, halqara cedveller, liman vesiqaları, açıq malümat bazaları ve diger menbalar talil etile. Bundan evel, yer sistemasınıñ söndürilüvi, marşrutlarnıñ deñiştirilmesi, geminiñ bulunması sual doğurğan bölgelerde peyda oluvı boyunca bütün adiseler ögrenile. Aynı vaqıtta qanunsız liman faaliyetine ve sanktsiyalarnı bozğanına alâqası olğan bütün şahıslarnı ve qurulışlarnı belgilemek içün bir sıra tedbirler keçirile. Bütün bular kölge flotunıñ faaliyetini tafsilâtlıca ögrenmege ve onıñ iştirakçileriniñ qanunsız faaliyetini belgilemege imkân bere", — dep añlattı UHH.
Caffa gemisinen bağlı dava, Rusiye gizli flotunıñ bütün iştirakçilerine bir misal ola, dep ayttı UHH. Qanunsız taşımalarda iştirak etken gemiler sadece sanktsiyalar cedveline kirsetilmekten ğayrı, halqara tahqiqatnıñ, apiske alınuvnıñ ve Ukrayinağa maddiy delil olaraq berilüvniñ obyekti ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
