Qırımnıñ "Taygan" safari-parkınıñ ve Yaltadaki "Kazka" ayvanat bağçasınıñ saibi Oleg Zubkovğa şübe bildirildi. Taqiqatnıñ malümatına köre, o, işğal etilgen Herson vilâyetindeki "Askaniya-Nova" biosfera qoruğından Qırımğa siyrek rastkelgen ayvanlarnı qanunsız alıp ketüvde iştirak ete.
Ukrayina Baş prokurorınıñ saytında bu aqqında aytıla.
Tahqiqat, Herson vilâyetindeki "Askaniya-Nova" qoruğından 2023-2024 seneleri Rusiye istilâsı vaqtında Zubkov işğal etilgen Qırımğa siyrek ayvanlarnı alıp ketkenini isbatlay. Çapman zebrası ve büyük ukrayin büyük müyüzli ayvanları söz yürsetile, bu 67 million ğrıvnâdan ziyade zarar ketirdi. O, 12 yılğa qadar apis cezasını ala bilir.
"Zubkov Oleg Olekseyeviç, 1968 senesi mayısnıñ 10-da doğdı, Ukrayina Ceza qanunnamesiniñ 28-inci maddesiniñ 2-nciBir gruppa şahıslarnen evelden añlaşıp yapılğan cinaiy dava qısmı, 438-inci maddesiniñ 1-inciCenk qanunlarınıñ ve adetleriniñ bozuluvı qısmına köre cinaiy cinayet işlegeninde, yani halqara añlaşmalarğa istinaden cenk qanunları ve adetleriniñ bozuluvında şübheli sayıla. Ukrayina Yuqarı Şurası tarafından qabul etilgen halqara añlaşmalarda belgilengen cenk qanunları ve adetleriniñ bozuluvında qabaatlana", - - dep aytıla qabaatlav metninde.
Bu dava, hususan Oleg Zubkov ile qanunsız alda ayvanlarnı berüv añlaşmalarını tizip, qoruqnıñ işğalci "müdiri" Dmitriy Meşçerâkovnıñ areketlerine de ait. Onıñ yerine qoruqqa Kamerun eçkisi ve qoylar ketirildi.
"Bu bir cinayet, olarnı çıqarmağa aqqı yoq edi, deñişüv aqqında aytqanlarını bile köz ögüne alsaq. O, bu deñiştirilecek şeylerge iç bir aqqı yoq edi. Demek, o, bizim ayvanlarımıznıñ hırsızlanmasında iştirak etti. O, Rusiye ayvanat bağçalarını ayvanatlarnı deñiştirmek içün qoruqqa yardım etmege çağırdı. Ve bu, onıñ kelgeninden eki aydan az keçken soñ oldı", — dep tarif etti "Askaniya-Nova" müdiriniñ muavini Natalâ Korinets.
Daa evel Suspilne Qırım Zubkovnıñ Portugaliyada, şu cümleden Azor adalarında, yapqan işleri aqqında tarif etken edi. Suspilneniñ malümatına köre, o, San Migel adasında muz bağçası, şelale ve tabiat tepeleri olğan yañı büyük bir topraq satın aldı. Anda iş adamı, mehanizmli dinozavrlarnen dinopark qura.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
