İşğal etilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 2-nci SİZOda onlarnen insannı inkommunikado statusında tutalar. Qırımtatar resurs merkeziniñ idarecisi Zarema Bariyevanıñ bildirgenine köre, insanlarnı binanıñ üçünci qatında tutalar.
O, Facebookta bu aqqında yazdı.
"Simferopoldaki (Aqmescitteki — terciman) 2-nci SİZOnıñ 3-ünci qatında 20 kamera bar, anda "buzlatılğan" şahıslar, yani "inkomunikado" statusında olğan şahıslar tutula, ve bu şahıslarnıñ em adları, em de soyadlarını kimse bilmey. 20 kameranıñ 8-nde 4-er adam, qalğanlarında 2-şer adam tutula. Olarnıñ arasında qardınlarnen 4 kamera bar, anda em tuvğanlarından, em de dünyadan gizlengen qadınlar bar", — dep qayd etti o.
QRMniñ idarecisi ayttı ki, işğalli memuriyet bu mabüsler aqqında er angi malümatnı gizley.
"İşğalciler bu mabüsler aqqında er angi malümatnı saqlap qalalar. Olarnı sıq-sıq kezdirmeyler, ve diger mabüsler de olar aqqında iç bir şey bilmeyler, çünki bu bina qısmına kiriş demir qapınen qoralanğan. Konvoylar olarnıñ soyadlarını aytmaylar, ya da aytsalar da, başqa iç kimse eşitmesin dep, bir şey aytmaylar", — dep bildirdi Bariyeva.
Onıñ aytqanına köre, insanlarnı muntazam surette işkencege oğratalar. Apishaneniñ şaraiti pek sert. O, "inkomunikado" statusında olğan insanlarğa nisbeten sert tutuv şaraiti ve muntazam zorbalıqqa diqqat ayırdı.
"Buzlatılğanlar"nı mahsus tutuv şartları pek sert. Olarğa kameralarda bir şey tutmağa imkân bermeyler. Er afta tintüvler keçirile. "Buzlatılğanlar"nıñ eşyaları çoq olmasa da, nezaretçiler oda ortasına qoyulğan ve bilerek devirilgen suv ketire. Suv tökülgeni içün insanlarnı, sanki apishaneniñ tertibini bozğanları içün cezalandıralar, dep uralar. Bundan ğayrı, "buzlatılğanlar"nı sıq-sıq koridorlarda ya da nezaret kameraları olmağanı içün eşyalar saqlanğan yerlerde kötekleyler", — dep añlattı o.
Bariyevanıñ aytqanına köre, insanlarnıñ çoqusı yañı işğal etilgen Ukrayina topraqlarından 2022 senesi Rusiye istilâsı başlağan soñ çıqarıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
