Ukrayinada mahkeme işğal etilgen Qırımnıñ Yalta şeer şurasınıñ ekinci çağıruv "mebusı"nı istilâcı devletke yardım etkeniUkrayina CQniñ 111-2-nci maddesiniñ 1-nci qısmınde qabaatlı tanıdı. O 11 yılğa ğıyabiy şekilde mahküm etildi, mal-mülkü tevqif etilecek ve 10 yıl devamında devlet ve öz-özüni idare etüv vazifelerinden marum etilecek.
İlk yaz ayınıñ 18-de Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqat, 2022 senesi Yalta idaresiniñ Ğasprinskiy işğalci territorial organınıñ binasında "gumanitar ştab" teşkil etkenini isbatladı. Onıñ yardımınen mebus işğalcilerge arbiy donatmalar, generatorlar, naqliyat, ilâc ve diger resurslarnı muntazam sürette toplay ve bere edi.
Prokurorlıq mahküm etilgenniñ adını aytmadı, lâkin Suspilne Qırımnıñ haberdar olğan menbaları smz Serğiy Yepik aqqında ketkenini bildirdi.
Öz faaliyeti aqqında içtimaiy ağlarda haber ete edi, Ukrayinağa qarşı cenkleşken Rusiye arbiy hızmetçilerine qol tutqanı içün ise "Yedinaya Rossiya" firqasınıñ vekillerinden teşekkür aldı.
"Aynı zamanda belli ki, mabüs şahsen Zaporijjâ ve Herson yönelişlerinde Rusiye Federatsiyasınıñ desant-sürgün batalyonları içün maşinalarnı alıp ketken", — dep Ukrayina havfsızlıq hızmetiniñ Qırım Muhtar Cumhuriyetindeki baş idaresi Facebookta haber berdi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
