Qırımda işğalciler Luğansk vilâyetiniñ sakinini "UHHnen işbirlik yapqanı" içün tuttılar

İşğal etilgen Qırımda "Ukrayina mahsus hızmetlerine "LNR" ve Qırımnıñ ilmiy ve tasil müessiseleriniñ faaliyeti aqqında malümat bergen" Luğansk vilâyetiniñ 58 yaşındaki sakini tutuldı. Oña qarşı "devlet hainligi" sebebinden cinaiy dava açıldı.

Rusiye FSBniñ Cemaat bağları merkezi bu aqqında haber etti, dep ilk yaz ayınıñ 16-nda TASS Rusiye teşviqiy devlet haber agentligi bildirdi.

Tahqiqatnıñ malümatına köre, qadınnı Ukrayina havfsızlıq hızmetiniñ hadimleri Ukrayina-Poloniya sıñırından keçkende işbirlikke çağırdılar.

"O, LNR ve Qırım Cumhuriyetiniñ ilmiy, tasil ve diger müessiseleriniñ faaliyeti aqqında malümat toplap, duşmanğa bere edi. Onı FSB hadimleri operativ-qıdıruv tedbirleri neticesinde tuttılar", — dep haberde qayd etildi.

Şimdi Luğansk vilâyetiniñ sakini işğal etilgen Qırımda apiste buluna. Rusiye Federatsiyası Ceza qanunnamesiniñ 275-inci maddesi (devlet hainligi) 20 yılğa qadar apis cezasını belgiley.

Читати ще

Читати ще

Окупаційний суд у Криму засудив жителя Сімферополя до 17 років за звинуваченням у "держзраді"

Читати ще

У Севастополі затримали чоловіка за "заклик завдати удару по Балаклавській ТЕЦ"

Читати ще

В окупованому Криму затримали чоловіка, який зняв замаскований бензовоз

Читати ще

У Сімферополі окупанти незаконно затримали чоловіка за коментарі у Telegram

Telegram, WhatsApp, Facebook, TikTok ve YouTubede Suspilne Qırım haberlerine abune oluñız