Kıyiv apellâtsiya mahkemesi işğal etilgen Qırımnıñ "Kirov rayon mahkemesi"niñ mahkemecisini yarımadadan ukrayinlilerniñ qanunsız sürgün etilmesinde iştirak etkeni içün 10 yılğa mahküm etti.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Mahkeme, Kıyivniñ Darnıtsâ rayon mahkemesiniñ 2025 senesi ilk küz ayınıñ 19-nda çıqarğan ükümini devam ettirdi, "mahkeme" onı cenk qanunlarıUkrayina CQniñ 438-nci maddesiniñ 1-nci qısmı ve adetlerini bozğanında qabaatlı tanıp, 10 yılğa mahküm etti.
Tahqiqatnıñ malümatına köre, 2018 senesi o, Rusiye Federatsiyasınıñ qanunlarına köre, Qırım sakinini yarımadadan sürgün etmege qarar aldı.
Qararda, işğalli akimiyet öz toprağında "yabancı" olaraq sayğan Ukrayina vatandaşı olsa da, adam "Rusiye Federatsiyasında ecnebiy vatandaşlarnıñ bulunması qaidelerini bozğanı" qayd etile.
Prokurorlıq qayd etti ki, mahküm etilgen adam Qırım sakinleriniñ halqara gumanitar uquq qorçalavı altında bulunğan statusını añlay edi, amma işğal etilgen yarımadanıñ demografik terkibini deñiştirüv boyunca Rusiye Federatsiyasınıñ siyasetini amelge keçirüvge yardım etti.
Apellâtsiya mahkemesi qabaatlayıcı tarafnıñ fikrini qabul etip, imayeciniñ şikâyetini qanaatlendirmedi, üküm de deñişmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
