İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mahkemesi 50 yaşındaki Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) sakinini devlet hainligi ve patlayıcı maddelerniñ qanunsız saqlağanı içün sert rejimli müstemlekede 17 yılğa üküm etti.
İşğalli Sevastopol (Aqyar) prokurorlığı bunı bildirdi.
Rusiye quvetçileriniñ malümatına köre, 2025 senesi qara qış ayında Qırım sakini "Ukrayina istihbaratınıñ temsilcisinen bağ qurdı ve Sevastopolda (Aqyarda — terciman) saqlanğan 1,4 kilogrammdan ziyade ağırlığında patlayıcı maddeni ve patlayıcı cihaznı almağa vazife aldı".
Berilgen malümatqa köre, bundan soñ adamğa "patlayıcı maddeni başqa bir mağazğa avuştırmaq ve yañı mağaznıñ koordinatlarını bildirmek kerek edi".
Adamüa qarşı "devlet hainligi" ve "patlayıcı maddelerniñ qanunsız saqlanuvı" maddeleri boyunca cinaiy davalar açıldı.
İşğalli mahkemeniñ qararına binaen, mahküm etilgen adam sert rejimli müstemlekede 17 yıl keçirecek. Bundan da ğayrı, oña azat etilecek soñ bir yıllıq areket sıñırlanması ve 300 biñ rublelik (185 biñ ğrıvnâ) para cezası berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
