Gece ücüm neticesinde Çonğar civarındaki köpür zarar kördi, bunıñ neticesinde "Canköy" keçiş noqtasındaki naqliyat areketi bütünley toqtatıldı.
Herson vilâyetiniñ Rusiye tarafından tayin etilgen "gubernatorı" Vladimir Saldo bunı bildirdi.
Onıñ aytqanına köre, işğal etilgen Qırımnen memuriy sıñırnıñ yollarında astyapı bozulğanı sebebinden areket sıñırlavı belgisiz müddetke kirsetildi.
Aynı vaqıtta "Qırım yeli" Telegram kanalı Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Donske köyü civarında eki küçlü patlav aqqında haber etti, patlavlar Simferopolda (Aqmescitte) de eşitildi.
Kanalnıñ malümatına köre, uydu resimleri Çongar köprüniñ yanında yanğınnı qayd etti. "Çonğar" eski ukrayin kiriş-çıqış nezaret noqtası yanında sıcaq işaretleri qayd etildi, binanı şimdi Rusiye arbiy hızmetçileri qullanalar.
İşğal etilgen Qırımda "Ğvardiyske" ava limanında ateş aqqında ayrı haber etile. Nezaret gruppasınıñ malümatına köre, yanğın "tehnikiy aviatsiya azırlav noqtası"nda yüz berdi. Zarar tafsilâtları şimdilik aydınlatılmadı.
Hatırlatamız ki, Çonğar keçişleri cenk başlağanından berli defalarca ücümlerniñ maqsadı oldı. Çonğar köprüniñ zarar körgeni aqqında ilk sefer 2023 senesi ilk yaz ayınıñ 22-nde haber etildi. O vaqıt Rusiye ordusı işğal etilgen Qırım ve Ukrayinanıñ cenübi arasında tehnikasını ve silâsını avuştırmaq içün qullanğan esas logistika damartısınıñ biri zarar kördi. 2023 senesi arman ayında köpürge daa bir ücüm etildi.
2026 senesi ilk yaz ayında Çonğar kene ücüm altında qaldı. Açıq olğan malümatqa köre, ilk yaz ayınıñ 7-de köpür zarar kördi, ilk yaz ayınıñ 9-da kene ücüm etildi, bundan soñ Rusiye tarafı onıñ qullanmağa toqtatqanını bildirdi.
Böylece, 2023 senesi ilk yaz ayından 2026 senesi ilk yaz ayına qadar Çonğar keçitlerine ve bu rayonnıñ astyapılarına eñ az altı ücüm yapıldı: ekisi 2023 senesi ve üçü 2026 senesi ilk yaz ayında.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
