Rusiye Qara deñiz flotunıñ "Ateş" menbaları, komandanlıqnıñ işğal etilgen Aqyardan (SevastopoldanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) Rusiye Novorossiyskine idareniñ qalımtılarını avuştırmaq planları aqqında bildire. Ştab qurulışlarında idare organlarınıñ köçürüvi planları işlep çıqarıla, bazı zabitler ise Qırımdan öz qorantalarını alıp keteler.
İlk yaz ayınıñ 14-nde "Ateş" arbiy-partizan areketinde bu aqqında haber etildi.
Hatırlatamız, qural aynıñ 27-nde Ukrayina Mudafaa quvetleri Rusiye aviatsiyasınıñ programma-aparat komplekslerine Storm Shadow raketaları ile ücüm etti. "Ateş"niñ malümatına köre, Aqyarda (Sevastopolda) Gogol soqağındaki Rusiye Qara deñiz flotunıñ ava ştabı zarar kördi.
"O vaqıttan berli yarımadağa ücümler ep arta, işğalcilerniñ Qırımdaki logistika vaziyeti ise fenalaştı. Rusiye arbiyleriniñ malümatına köre, zabitlerniñ bir qısmı resmiy emirlerni beklemeyip, köçüv meselelerinen oğraşa: qorantalarnı alıp keteler, alıp ketmege imkân olmağan mal-mülkten vazgeçeler ve Novorossiyskke yerleşeler. Arbiy flot reberligi içinde vaziyet kerginleşe — neler olğanını añlağanlar, vaqıtnı keçirmege istemeyler", — dep "Ateş" yaza.
İş idaresiniñ avuştırılması — Qırımda flotnıñ infrastrukturalarına yapılğan sistematik basqınıñ mantıqlı neticesi ola, dep bildirüvde aytıla.
"Yarımadada merkeziy qurulışlarnı tutmaq işğalciler içün daa paalı ve telükeli bir qarar ola. Vaziyetniñ inkişafına köre, kelecek aylar Qırımdaki işğalci quvetler içün cenk başlağanından berli eñ ağır ola bile. Biz areketlerni taqip etmege devam etemiz ve Rusiye Federatsiyasınıñ arbiy taqımınıñ komandanlıq qurulışında deñişmelerni qayd etemiz", — dep haberde aytıla.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
