İşğal etilgen Qırımda siyasiy mabüs Halil Mambetovnıñ apayı Lilâ Mambetova vefat etti.
"Qırım birdemligi" bunı bildirdi.
"Lilâ Mambetova, 70 yaşındaki Canköyli siyasiy mabüs Halil Mambetovnıñ ömür arqadaşı, uzun sürgen kanser hastalığından soñ vefat etti. Bu qorantası, yaqınları ve Lilâ hanımnı yahşı, sabırlı ve duyğulı bir insan olaraq tanığan er kes içün ağır bir ğayıp", — dep haberde qayd etildi.
Cenaze vaqtı ve yeri aqqında malümat daa soñra haber etilecek.
Hatırlatamız ki, Halil Mambetov 2023 senesi qara qış ayınıñ 24-nde tutulğan edi ve "Hizb ut-Tahrir"niñ "ekinci Canköy gruppası" davasınıñ mabüsi ola.
2025 senesi çiçek ayında Cenübiy bölgesi arbiy mahkemesi Mambetovnı 14 yılğa mahküm etti — ilk dört yılını apishanede, qalğanını — sert rejimli müstemlekede keçirecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
