İlk yaz ayınıñ 10-da aqşam ve ilk yaz ayınıñ 11-de gece işğal etilgen Qırımda patlavlar oldı. Şeerniñ işğalli gubernatorı Mihail Razvojayev Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) gece saat 22-den itibaren 32 dron urulğanını bildirdi.
O, Telegram saifesinde bu aqqında yazdı.
Razvojayevniñ malümatına köre, dronlar Sevastopol (Aqyar körfezi), Fiolent burnu, Balıqlava yanında uruldı.
Şeerde eki kere ava telükes. ilân etilgen edi — 21:45 - 03:17 ve 03:50 — 04:18.
Bundan ğayrı, "Qırım yeli" nezaret kanalı, ava telükesi ilân etilmezden evel Pişçanede patlav ve ateş sesleri aqqında haber etti.
"Pişçanede saat 21:40-ta bir pulemöt çalışıp başladı, saat 21:48-de Andriyivkada pulemöt ateşke başladı, bundan soñ bir qaç atış yapıldı, dep abuneci bildirdi", — dep haberde qayd etildi.
Soñra Fiolent rayonında ve Sevastopolda (Aqyarda) patlavlar oldı.
Saat 23:15-te kanal abunecileri Bağçasarayda, soñra Sevastopolda (Aqyarda) patlav aqqında haber ettiler.
Saat 2:18 Telegram kanalı Ermeni Bazarğa ücüm aqqında yazıldı.
"Ermeni Bazarda rosAMS Ava mudafaası sistemasıevlerniñ üzerinde dronlarnı urdı: evler, bala bağçaları ve arabalar viran oldı, dep abuneciler bildirdiler", — dep kanal yazdı.
Saba maalinde "Qırım yeli" Saq şeerinde patlavlar ve atışlar aqqında haber etti. RF Mudafaa nazirligi işğal etilgen topraqlar ve Rusiye toprağı üzerinde 330 uçucı uçaq aletiniñ yoq etilgeni aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
