Ukrayinada işğal etilgen Qırımdan üç sabıq mahkemeci devlet hainligi içün 13 yılğa mahküm etildi, mülkü müsadere etilecek.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Mahküm etilgenler — Qırım işğal etilmeden evel Qırım MC Apellâtsiya mahkemesinde ve Keriç şeer mahkemesinde, em de Sevastopol şeeriniñ Lenin rayon mahkemesinde vazifelerini eda etken Ukrayina vatandaşlarıdır. Prokurorlar, 2014 senesi işğalciler tarafına keçip, "Qırım Cumhuriyeti Yuqarı mahkemesi", "Keriç şeer mahkemesi" ve "Sevastopol şeeriniñ Lenin rayon mahkemesi"nde "adalet"ni yerine ketirgenlerini isbatladılar", — dep haberde qayd etildi.
Suspilne Qırımnıñ menbaları bildirgenine köre, söz Filatova Yevğeniya Volodımırivna, Kuharskıy Andriy İvanoviç ve Luşnikov Volodımır Fedorovıç aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
