İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) akimiyeti, ilk yaz ayınıñ 9-nda — saat 10:33-12:15 şeerge ücüm aqqında haber etti. Olarnıñ malümatına köre, qaza neticesinde adam yaralandı ve orman yanğınları çıqtı. Umumen Rusiye ordusı 20 ukrayin dronını urdı.
Telegramda işğalli Sevastopol (Aqyar( "gubernatorı" Razvojayev bu aqqında yazdı.
"Bizim arbiy hızmetçilerimiz, uçaqlarımız, AMS ve mobil ateş gruppalarımız USQniñ daa bir ücümini bastırdı. Umumen 20 UUA Şimaliy taraf, Hersones burnu, Ğalebe parkı, Fiolent burnu, Qırımnıñ Cenübiy yalısındaki Sevastopol alanı rayonında tüşürildi. Monastır şossesi rayonında UUA şahsiy evge urdı, yanğın çıqtı. Bir adam yaralandı, bir qaç parça yarası bar, ağır degil. Şimdi oña tibbiy yardım kösterile. Laspi rayonında UUA tüşken soñ orman yanmaqta, anda acele hızmetler çalışa", — dep Razvojayev yazdı.
"Qırım yeli" monitoring Telegram kanalı qayd etkenine köre, Sevastopolda (Aqyarda) Rusiye ordusınıñ 12-nci zenit-raketa polkunıñ raketa bölüginde Razvojayevniñ evinde sığındılar. Yanında daa bir Rusiye arbiy qısmı yerleşken — Radioelektronik istihbarat merkezi.
Ukrayina tarafı bu malümatnı izaatlamadı.
Daa evel Razvojayevniñ bildirgenine köre, keçken kün Sevastopolğa (Aqyarğa) USQ 8 kere ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
