Rusiye akimiyeti bildire ki, soñki künde Ukrayina Silâlı quvetleri işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerine eñ az 8 kere ücüm etti, olarnıñ AMSava mudafaası sisteması ise 31 dronnı urdı.
İşğalli Sevastopol (Aqyar) "gubernatorı" Razvojayev bunı bildirdi. Soñki kere ava telükesi ilk yaz ayınıñ 9-nda saba saat 7-de ilân etildi.
"Bizim arbiy hızmetçilerimiz , uçaqlarımız, AMS ve mobil ateş gruppalarımız soñki künde sekiz USQniñ ücümini toqtattılar. 31 UUA tüşürildi, şu cümleden suv üzerinde. İnsanlar yaralanmadı. Şeerniñ farqlı rayonlarında qurtarıcı hızmeti UUAniñ parçalarınıñ tüşmesini qayd etti, ev ve maşinalarğa zarar ketirilgeni aqqında malümat bar", — dep yazdı o.
Sevastopol (Aqyar) şeeriniñ merkezinde patlav aqqında "Ateş" partizanlarına 2026 senesi ilk yaz ayınıñ 8-de saat 22:48 haber etildi. Bundan ğayrı, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Prımorskede yanğın aqqında haber eteler.
"Qırım yeli" Telegram kanalı Sevastopolda (Aqyarda) patlavlar aqqında haber etti. Hususan, "Qaçı" ava limanı rayonında.
Neşir etilgen vaqıt Qırımda işğalli FVN tarafından ilân etilgen ava telükesi devam ete edi.
Ukrayina tarafı şimdilik bu malümatnı izaatlamadı.
Bundan da ğayrı, işğalciler Qırım ve Herson vilâyetini birleştirgen Çonğar köprüni kene qapattılar. Herson vilâyetiniñ gaulayteri Saldo, oña Ukrayina dronları ücüm etkenini iddia ete. Naqliyat Ermeni Bazar ve Or Qapu üzerinden alternativ yollarğa yollanıla. Hatırlatamız ki, keçit keçitini işğalciler 3,5 tonna ağırlığında olğan maşinalar içün keri açtılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
