Ukrayina Baş ştabı resmen tasdıqladı ki, ilk yaz ayınıñ 7-e keçer gecesi Ukrayina Mudafaa quvetleriniñ bölükleri Yedi Quyu (Lenine) qasabası rayonındaki "Semikolodezânska" ve Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) neft bazalarına ücüm ettiler.
İlk yaz ayınıñ 8-de Ukrayina Silâlı Quvetleriniñ Baş ştabı Facebookta bu aqqında haber etti.
''2026 senesi ilk yaz ayınıñ 7-e keçer gecesi Ukrayina Mudafaa quvetleriniñ bölükleri vaqtınca işğal etilgen Qırım Muhtar Cumhuriyetiniñ Yedi Quyu (Lenine) qasabası rayonındaki ''Semikolodezânska'' neft anbarına ücüm etti. Obyekt toprağında yanğın qayd etildi'', — dep Baş ştab haber etti.
''Semikolodezânska'' neft bazası Qırım yarımadasınıñ şarqiy qısımında neft mahsulatlarını saqlav ve yüklev boyunca eñ büyük merkezlerden biri ola. Obyekt yaqarlıq yedegini toplamaq ve Rusiye arbiy gruppasınıñ ihtiyaclarını qarşılamaq içün qullanıla, dep müessise añlattı.
Bundan da ğayrı, Baş ştabnıñ malümatına köre, Ukrayina Mudafaa quvetleri Feodosiya (Kefe) rayonındaki neft bazasına ücüm etti.
"Feodosiya neft bazası vaqtınca işğal etilgen Qırımda eñ büyük neft işleme kompleksi ola. Obyektniñ quveti yılına 10-12 million tonnağa qadar neft mahsulatlarını işletmege imkân bere. Onıñ astyapısı neft mahsulatlarını qabul etmek, saqlamaq ve tarqatmaqnı teminley'', — dep Ukraiyna Silâlı Quvetleriniñ Baş ştabı haber etti.
Bundan evel İSQ ea haber etti ki, Ukrayina Silâlı Quvetleriniñ mahsus areketler quvetleriniñ Middle-strik bölükleri ilk yaz ayınıñ 7-nci gecesi işğal etilgen Qırımnıñ Yedi Quyu qasabasındaki "Semikolodezânska" neft bazası ve işğal etilgen Qırımnıñ Feodosiya (Kefe) şeerindeki neft terminalına ücüm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
