Ukrayina Silâlı quvetleriniñ mahsus operatsiyaları quvetleriniñ Middle-strike bölükleri ilk yaz ayınıñ 7-nde gece işğal etilgen Qırımda Yedi-Küyu qasabasındaki "Semiqolodezyanskaya" neft bazasını ve Kefede neft terminalını urdı.
MOQ Facebookta bu aqqında bildirdi.
"Semikolodezânska" neft bazası cenk çatışması sızığından tahminen 200 km uzaqlıqta buluna. Bu Rusiye arbiyleriniñ mazut, dizel yaqıt, bitum ve ilâhre saqlamaq ve taşımaq içün keçit noqtasıdır.
"Bu neft bazasında 700 kubometrden 3000 kubometrge qadar olğan doquz suv anbarı bar. Anda cisternlerni yüklep, Qırım ve Ukrayinanıñ diger işğal etilgen topraqlarına duşman ordularınıñ ihtiyacları içün alıp keteler", — dep haberde aytıla.
Bundan da ğayrı, ukrayin uçaqları, cebeden 250 km uzaqlıqta Feodosiyadaki deñiz neft terminalını urdı. Anda 10 biñ ve 20 biñ kubometrlik yedekler bar.
"Terminal, demiryol vagonlarından tankerlerge deñiz gemilerine neft ve neft mahsulatlarını avuştırğan çoq vazifeli kompleks ola. İşğalciler bu kompleksni işğal etilgen Qırımnı yarımadada fevqulâde vaziyetler olması içün yaqıtnen temin etmek içün qullana", — dep MOQde qayd ettiler.
Hatırlatamız, Ukrayina Silâlı quvetleriniñ mahsus operatsiyaları quvetleriniñ 3 ayrı polkunıñ uçaqsuz uçuş vastalarınıñ operatorları ilk yaz ayınıñ 6-nda bildirdi ki, vaqtınca işğal etilgen Qırım yönelişinde Rusiye ordularınıñ quru logistika marşrutınıñ bir qısmını kontrol ettiler.
Bundan da ğayrı, arbiy-deñiz quvetleriniñ pilotsız sistemaları ilk yaz ayı 4-te gece işğal etilgen Qırımda Yürkinöy civarında Keriç boğazında Qırım köprüni qorçalağan "Svitlâk" sıñır gemisiniñ zarar körgenini bildirdi.
Daa Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yanındaki Saqta RSBN-4N yaqın navigatsiya teleradiotehnik sisteması, em de Feodosiya rayonınıñ Vladislavivka ve Rozdolniyada lokomotivler uruldı.
Keriç boğazında işğalcilerniñ bulunması sebebinden telükelerniñ yoq etilmesi boyunca sistemli iş devam ete, ve bu devam etecek, dep Suspilne Qırım içün Ukrayina Arbiy deñiz quvetleriniñ sözcüsü Dmıtro Pletçençuk bildirdi.
Bundan da ğayrı, ilk yaz ayı 7-de işğalciler "Canköy keçiş noqtası" vastasınen areketni toqtattılar. Qanunsız akimiyet Herson vilâyetiniñ Çongara rayonındaki köpürde USQ ücüm etkenini bildirdi.
Strategik kommunikatsiyalar ve informatsion telükesizlik merkeziniñ bildirgenine köre, bozulğan köpür — işğal etilgen Qırım ve Ukrayina cenübiyiniñ VİET arasındaki esas marşrutlardan biridir. Onıñ yaralanması Rusiye arbiyleriniñ logistikasını zorlaştırdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
