Ukrayina prezidenti 37 jurnalistni, ukrayin ve çetel media hadimlerini Jurnalist künü munasebetinen devlet mukâfatlarınen taqdirledi. III derece knâğınâ Olğa nişanı ile taqdirlengenler arasında — qırımtatar jurnalistleri Elvina Seitbullayeva ve Gülsum Halilova.
Prezidentniñ ofisi bu aqqında bildire.
III derece Knâğınâ Olğa nişanı ile taqdirlengenler arasında — "Biz — Ukrayina" telekanalınıñ Kıyiv muarririyetiniñ bölügi mühbiri Elvina Seitbullayeva ve ATR telekanalınıñ jurnalisti, alıp barıcısı ve mahsus mühbiri Gülsum Halilova.
Vesiqağa binaen, mukâfat vatan jurnalistikası ve informatsion saası inkişafına emiyetli isse qoşqanı, yüksek zenaat ustalığı, Rusiye Federatsiyasınıñ Ukrayinağa tam miqyaslı istilâsını aydınlatqanında fedakârlığı ve çoq yıllıq itibarlı işi içün berile.
Hatırlatamız, Ukrayinada ilk yaz ayı 6-da qayd etilgen Jurnalist kününe prezidentniñ QMC temsilciligi işğal etilgen Qırımda mustaqil media ve vatandaş jurnalistleriniñ taqip etilüvini hatırlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
