Yarımadada avtomobil yaqarlığı qıtlığı sebebinden vaqtınca işğal etilgen Qırımda bir sıra qarar qabul etildi.
İşğalli Qırım “başı“ Sergey Aksönov bu aqqında haber berdi.
Hususan, bugünden başlap bir qaç künge benzinniñ naqıtnen satıluvı bütünley sıñırlana. Bundan ğayrı, bildirilgeni kibi, biletler satılmay ve yaqın kelecekte satılmaycaq. Evelden alınğan kuponlarnen berilgen yaqarlıq 20 litrden ziyade almaq yasaq.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Devlet avtomobil inspektsiyası aydayıcılarnı yol qaidelerine riayet etmege ve yaqarlıq stantsiyası yanında qarışıq nevbetler qurmamağa çağırdı.
Müessiseniñ malümatına köre, aydayıcılar benzin stantsiyasında nevbette bulunğanda maşinalarnı belgisiz yerlerde qaldırıp keteler, bu ise tıqanıqlıqlarğa yol bere ve qaza telükesini arttıra.
Hatırlatamız ki, gece patlamalarından soñ ilk yaz ayınıñ 4-nde saba maalinde işğal etilgen Qırımda, şu cümleden Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonındaki sıcaqlıq elektrik stantsiyası ve arbiy yaqarlıq bazası rayonlarında "ТЕS" benzin stantsiyalarında benzin satmağa toqtadılar.
İlk yaz ayınıñ 3-ne keçer gecesi ve tahminen saba saat 10:00-11:00ge qadar işğal etilgen Sevastopolda (Aqyarda) bütün markalar yaqarlığını tek şeerniñ ayatını temin etken operativ hızmetler içün bereler. Aynı zamanda Qırımnıñ farqlı rayonlarında bir qaç kilometrlik maşina nevbetleri devam ete.
İşğal etilgen Sevastopolda (Aqyarda) İlk yaz ayınıñ 2-nde ATANA ve TESlerde Aİ-92 ve Aİ-95 markaları benzinleri tek kuponlar vastasınen satıla. Aynı zamanda yarımadada saba maşinalardan benzin stantsiyalarına qadar kilometrler boyu nevbet qayd etile.
Bundan evel, işğalli Sevastopol (Aqyar) memuriyeti, ilk yaz ayınıñ 1-nde saba saat 8:00den başlap TES yaqarlıq stantsiyalarınıñ çoqusında bir maşnağa 20 litrge qadar sıñırlavnen yaqarlıq serbest satıluvınıñ ğayrıdan tiklenüvi aqqında bildirdi.
Faqat şu künü aqşam maalinde eñ büyük benzin noqtaları eali içün yaqarlıq kuponlarınıñ satılmasını toqtattı, dep "ATAN" şirketiniñ saytında aytıla.
Aynı zamanda mayısnıñ 30-nda Ukrayina prezidenti Volodımır Zelenskıy bildirdi ki, Ukrayinanıñ Azaq deñiziniñ yalısında Rusiye arbiy ve neft obyektlerine ücüm etmesi işğal etilgen Qırımda yaqarlıq buhranınıñ sebebi oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
