İşğalciler, Rusiyede "Rusiye ordusınıñ itibarını tüşürüvde" qabaatlanğan insanlarnıñ Qırımda aktivleri barmı-yoqmı teşkere.
"Novosti Qırım" Rusiye agentligine Qırım parlamentiniñ reisi Volodımır Konstantinov bu aqqında bildirdi.
"Biz bu meselege, kim ve qayda bulunğanına baqmadan, pek diqqatlı yanaşacaqmız. Rusiyege duşman olğan çetel vatandaşlarınıñ mal-mülklerini milliyleştirüv tecribemiz bar. Bu mesele çoqtan çezilmek kerek. Rusiye ile birleşmegen ve oña zarar ketirgenler — açıq duşmanlardır", — Konstantinov dedi.
Hatırlatamız, qural aynıñ 26-nda Rusiyede çetelge çıqqan vatandaşlarnıñ mülküni tevqif etüv qanunı qabul etildi.
"Qırımtatar resurs merkeziniñ" qayd etkenine köre, o, işğal etilgen topraqlarnıñ, hususan Qırımnıñ, sakinleri içün telükeli ola.
Vesiqağa binaen, devlet tışında Kremlniñ siyasetine qarşı çıqqan ya da muayyen memuriy maddelerge istinaden diger areketler yapqan rusiyelilerniñ bank esapları, paraları ve diger mülkiyetleri tevqif etile bile.
"Qayd etilgen vesiqa Rusiye Federatsiyası Memuriy cinayetler kodeksiniñ bir sıra maddelerine deñişmeler kirsete, olar qanun olaraq işke tüşürilse, çetelde bulunğan Rusiye vatandaşlarını taqip etüv aleti ola bile", — Korotkıh dey.
Meselâ, "qanunsızlıqlar" cedveline "Rusiye ordusını itibardan tüşürüv", Rusiyege qarşı sanktsiyalar qoyuv, "ekstremist malümat"nıñ tarqatıluvı, media serbestliginiñ istismarı ve qanunsız malümat aluvı kirsetildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
