Qırımdaki bergi organlarınıñ eki sabıq hadimine devlet hainliginde şübу bildirdiler. Olarğa 15 yılğa qadar apis cezası berile ve mal-mülki müsadere etile bilir.
QMC prokurorlığınıñ saytında bunı bildirdiler.
"Taqiqat, şübelengen Ukrayina vatandaşları Qırım Muhtar Cumhuriyetinde Kelir Nazirliginiñ Canköy birleşken devlet bergi inspektsiyasınıñ idaresiniñ yolbaşçısınıñ muavini ve Qırım Muhtar Cumhuriyetindeki Kelir Nazirliginiñ Simferopol şeerindeki devlet bergi inspektsiyasınıñ yolbaşçısınıñ muavini vazifelerini eda etkenlerini belgiledi. Qırım yarımadası işğal etilgen soñ, şübelengenler, antlarına sadıq qalmayıp, işğalli akimiyet tarafından qanunsız şekilde qurulğan maliye organlarına keçtiler ve "Qırım Cumhuriyetiniñ Bağçasaray rayonı boyunca Federal bergi hızmetiniñ inspektsiyası" başınıñ muavini ve "Qırım Cumhuriyeti Bergi hızmetiniñ borclarnı ödemek bölüginiñ" başı vazifelerini aldılar", — dep haberde qayd etildi .
Uquq qorçalayıcı organlardaki bir menba, adı bildirilmemek şartınen, Natalâ Kobets ve Oleğ Çıbılâyev aqqında bildire.
Prokurorlıqnıñ añlatılqanına köre, işbu "iş yerleri"nde şübheliler Rusiye bücetine qanunsız olaraq berilgen bergi ve diger ödemelerniñ alınmasını temin ete, em de işğalciniñ bergi qanunlarına riayet etilmesini nezaret ete ediler.
"İşğalciler ögünde "ihtiyatları" içün şübhelilerden biri "Rusiye bergi organlarına 25 yıl", "Federal mahkeme hadimleriniñ hızmetine 150 yıl" ve "Qırım Cumhuriyetiniñ esap palatasınıñ fahriy nişanı" medallerinen taqdirlendi", — dep uquq qorçayıcılar qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
