Bu gece dron operatorları işğal etilgen Qırımda "Pantsir-S1" zenit-raketa top kompleksini urdı. Bu, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonındaki Novofedorivka meskün yeri, anda Rusiye ordusı qullanğan "Saq" ava limanı yerleşe.
Mayısnıñ 29-nda Facebookta USQniñ İSQniñ komandanı Robert ("Madâr") Brovdi bu aqqında haber etti.
"İSQ quşlarınıñ tünevinki gece terenligindeki çeşit renkli gece maqsatları arasında — ST-68 RLS, Feodosiya ş., Qırım MC ve "Pantsir-S1" ZRTK, Novofedorivka meskün yeri", — dep haberde qayd etildi.
"Qırım yeli" monitoring Telegram kanalınıñ abunecileri saat 07:40-da Saq civarındaki Yevpatoriya rayonında eki patlav aqqında haber etti, Novofedorovka ava limanından ise qırıcı uçağı uçtı ve eki raketa uçurıldı. Saat 07:53-te Rusiye AMS çalışıp başladı.
Bundan da ğayrı, videoda işğal etilgen Feodosiyada "ST-68" ava obyektlerini tapqan rolokatsoya stantsiyasınıñ zararları kösterile, bu aqqında daa evel USQniñ Baş ştabı haber etti.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
