2025 senesi işğal etilgen Qırımdan çıqqan 20 yaşındaki Polina temel orta tasil aqqında ukrayin attestatını aldı.
O, Suspilne Qırımğa tefsirinde bu aqqında tarif etti.
"Almenda"dan maña yazıp berdiler ki, TİNTasil ve ilim nazirligi bu programmanı tam şekilde amelge keçirecek ve meni birinci olaraq qabul etmege isteyler, soñra TİN ve litseyden telefon etip, bütün kerekli vesiqalarnı berdiler. Esasen, anda tasil beyannamesini toldurmaq kerek, ukrayin ilimlerinden imtianlarnı tapşırmaq kerek edi, episi bu. Şimdi 11-inci sınıf diplomını bekleyim ve universitetke kirmek içün ariza berecegim ve niayet olarnı işke ketiricegim, anda olarnı çoq bekleyler", — dep qız añlattı.
Polinanıñ aytqanına köre, test programması boyunca sertifikatnı o birinci aldı.
"Tasil neticelerini tasdıqlavnıñ sadeleştirilgen ceryanı aqqında qanun leyhası 2023 senesi qabul etilgenine baqmadan, tek bir qaç mektep bu ceryanğa qatıldı", — dep Polina ayttı.
Qız, işğal etilgen topraqlardan köçip kelgen insanlarnıñ tasil vesiqalarını tasdıqlağanında peyda olğan qıyınlıqlar aqqında defalarca aytqan edi.
"Elbette, bu meselenen oğraşqan içtimaiy teşkilâtlar ve gençler bundan memnün degiller. Men bir kere Almenda teşkilâtında çıqışta bulunmağa davet etildim, ve biz bu mesele aqqında daa çoq laf ettik. O vaqıt o, maña pek tesir etmedi, amma bu vaziyet meni yaraladı. Bundan soñ, Tamilâ Taşevanen körüşkende, bu meseleni köterdim, ve bu mesele VİETdan gençlerniñ meselelerine bağışlanğan toplaşuvnıñ kün tertibine kirsetildi. Men onı anda köterdim", — dep o ayttı.
Polina Suspilne Qırımnen intervyusında yarımadanı nasıl terk etmege planlaştırğanı ve Ukrayinağa qaysı yolnen ketkeni aqqında tarif etti.
Hatırlatamız ki, Tasil nazirligi, VİETdan talebeler içün tasil merkezleriniñ cedvelini yañarttı. Merkezlerde talebelerge NMT ve attestatları olmadan kirmege yardım etecekler.
Merkezlerniñ işi ilk yaz ayınıñ 1-den ilk küz ayınıñ 30-na qadar devam etecek, imtianlarnı uzaqtan da tapşırmaq mümkün.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
