1893 senesi mayısnıñ 27-nde qırımtatar şairi ve yazıcısı, türkşınas Bekir Çoban-zade doğdı.
O, XX asırnıñ eñ belli qırımtatar ziyalılarından biridir, dep Ukrayina prezidentiniñ Qırımdaki temsilciligi yazdı.
"O, tek öz halqınıñ tili ve edebiyatınıñ ögrenilmesine degil de, bir çoq turk halqlarnıñ tilşınaslığı ve edebiyatınıñ inkişafına büyük isse qoştı", — dep haberde qayd etildi.
Mayısnıñ 15-nde Qırımnıñ Qarasuvbazar şeerinde çoban qorantasında doğdı. 1904-1908 seneleri Qarasuvbazar rus mektebinde oqudı.
Bekir Çoban-zade. Суспільне надбання
Soñra yerli musulman hayriye cemiyetiniñ yardımınen oquvını devam ettirmek içün İstanbulğa yollanıldı, anda Galatasaray litseyiniñ til bölüginde oquy edi.
"Çoban-zade "Türk tili ve edebiyatını ögretüv metodikası" adlı eki cıltlı kitapnıñ ve bir oquyıcığa yaqın ilmiy ve ilmiy-metodik eserlerniñ müellifidir. 1927 senesi yañı türk elifbesiniñ Bütünittifaq eyyetiniñ ilmiy şurasınıñ reisi oldı", — dep prezidentniñ temsilciligi yazdı.
1937 senesi Stalin repressiyaları vaqtında onı apiske alıp, "milliy faaliyeti"nde qabaatladılar. Mahkeme Bakuda olıp keçti ve 20 daqqa devam etti. 1937 senesi orta küz ayınıñ 13-nde Bekir Çoban-zade qurşunğa tizildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
