Ukrayina, Avropa Birligi ve İsviçre sanktsiyaları altında bulunğan MATROS KOSHKA gemisi işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) limanında ububatnen toldurıldı ve Lübnandaki Beyrutqa doğru yol aldı.
"Barıştırıcı" Merkeziniñ SeaKrime leyhasınıñ jurnalisti Katerına Yaresko bunı bildirdi.
Mayıs ayınıñ 19-25 künleri işğal etilgen Sevastopoldaki (Aqyardaki) "Avlita" ububat terminalında MATROS KOSHKA gemisi (IMO: 9550137) yüklendi. Yükleme bitirilgen soñ gemi Beyrut limanına yol aldı.
Jurnalistniñ malümatına köre, MATROS KOSHKA adetince Suriyege seferler içün qullanıla. Yük miqdarınıñ tafsilâtları şimdilik aydınlatılmay.
Ukrayina Mudafaa nazirliginiñ Bİİniñ War&Sanctions portalınıñ malümatına köre, 2025 senesi boş aynıñ 25-de Ukrayina MATROS KOSHKA gemisine qarşı sanktsiyalar kirsetti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
