Mısırdaki Qairen universitetinde "Ukrayina kitapları rafı" açıldı. Arap tilinde taqdim etilgen neşirler arasında — İren Rozdobukonıñ "Faride" romanı. Filmniñ süjeti Ekinci cian cenki vaqtında Qırımda yeudiy balalarınıñ qurtarıluvı ve sovet akimiyeti tarafından yarımadadan qırımtatarlarnıñ sürgünligi kerçek vaqialarğa esaslana.
Facebookta Ukrayinanıñ Mısırdaki elçiligi bu aqqında haber etti.
"Mısırnıñ eñ prestijli ve eñ eski tasil merkezlerinden birinde — Qaire universitetinde — "Ukrayina kitapları rafı" açıldı. Qaire universitetiniñ yañı merkeziy kitaphanesini ziyaret etkende Ukrayina elçisi Mıkola Nağornıy soñki on yıl devamında arap tilinde tercime etilgen edebiyat ve tarihiy kitaplarnı bağışladı", — dep elçilik bildirdi.
Müessise derc etken resimlerde, romanlardan biri — Qırım aqqındadır. Söz, 2021 senesi Ukrayinada eñ çoq satılğan kitaplar cedveline kirgen İren Rozdobudkonıñ "Faride" kitabı aqqında kete.
Ekinci cian cenki vaqtında Qırımdaki yeudiy balalarınıñ qurtarıluvınıñ kerçek faciası esasında yazılğan tarihiy-ruhiy roman. Baş qaraman balalarnıñ vesiqalarını öz elinen deñiştirip, yeudiy adlarını ve soyadlarını qırımtatarcağa deñiştirdi ve nasistlerni olarnıñ yerli öksüz balalar olğanına inandırdı. Qırımğa sovet akimiyeti kelgen soñ, bu balalar ve Sayide Arifova1916 senesi kiçik aynıñ 13-de Bağçasarayda doğdı. Ekinci cian cenki vaqtında qırımtatar qadını öz canını telükege atıp, 88 yeudini qurtarğan edinıñ prototipi olğan baş qaraman zorbalıqnen sürgün etile.
Kütüphaneniñ müdiri Sarfinaz Hafiz ile qonuşqan vaqıt, Mısır neşriyatçılarınıñ zemaneviy ukrayin müelliflerine merağı artqanı içün kitap kollektsiyasınıñ daa ziyade toldurılması aqqında añlaşma tizildi, olarnıñ eserleri arap tiline tercime etile, şu cümleden, Ukrayina institutınıñ "Translate Ukraine" programması çerçivesinde, dep elçilik qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
