Qırım işğal etilgen soñ o, tuvğan Simferopolnı (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ni) terk etmege mecbur oldı. Ve tolu miyqaslı istilâ başlağan soñ, ellerine silâ aldı.
Şimdi Qırım sakini Mıhaylo "Siğurd" lağabınen insansız uçaq kompleksleriniñ alıcılarınıñ erkânını idare ete ve qardaşlarınen beraber ukrayin mevamlarını Rusiye istihbarat ve ücüm dronlarından qoruy.
Suspilne Qırımğa bergen intervyısında arbiy hızmetçi işğalden soñ yarımadadaki yaşayışı, cebedeki hızmeti ve zemaneviy cenkni ne içün tehnologiyalar cenki dep adlandırğanı aqqında tarif etti.
"Cenk meni taqip ete, bu menim vazifem, ğaliba"
"Siğurd" çağırılğan Mıhaylo, 46-ncı DÜOdesant-ücüm ordularınıñ AAMBAyrı aero-mobil brigadasınıñ UUA ekipajınıñ komandanı. Simferopol (Aqmescit) şeerinde doğdı, 2014 senesine qadar anda yaşadı ve çalıştı, amma işğalden soñ köçmege mecbur oldı. O vaqıt orduda hızmet etmege ilk sefer tüşündi.
"Bilesiñizdir, men endi bir kere qaçqan edim, bir kere çıqqan edim, cenkten endi bir kere qaçqan edim. O maña yetişip kele, ve bu endi menim çağırılışım olğanını tüşünem", — dep o ayttı.
İşğalden soñ yarımadağa barmağa devam etti, çünki anda balası, birinci ömür arqadaşı, fizikiy ceetten ketip olamağan soy-sopları — qartanası, qartbabası — qaldı.
"Anda bir afta qalsañ bile, özüñ içün bir şeyler ögrene ediñ. Birinciden, belli olmağan bir gruppa, elbette ki, Rusiyeden ketirilgenler. Elbette ki, olar öz adetlerini ketireler: kin, nefret, ksenofobiya. Ve men buña qurban sindromı deyim. Er kes olarğa borclu, er kes olarğa borcludır. Añladıñızmı? Menim yaşağanım Qırımda böyle bir şeyni iç körmegen edim", — dep arby hızmetçi tarif etti.
"İşğal etilgen Qırımdan çıqqan soñ, er şey yañıdan başladı"
Ukrayina kontrolindeki topraqlarda öz ayatını sıfırdan başladı. İş tapmaq pek qıyın edi. İşğalden evel o, dünya liderleri olğan Amerika şirketinde çalışqan edi. Amma Rusiye Qırımnı işğal etken soñ, onıñ muqavelesini uzatmadılar.
"Bağışla, dostum, vaziyetiñni añlaymız, er şey yahşı, amma sen Qırım sakinisiñ. Bizim qanunımız bar, ve biz seni işke alsmamız. Qırımnen bağımnı üzgenimni isbatlamaq pek qıyın edi. Bazıları kibi "eki tarafta" çalışmayım — Qırımda Rusiye pasportınen ve Ukrayinada ukrayin pasportınen. Menim bir pasportım, bir devletim, bir vatandaşlığım bar", — dep MIhaylo hatırladı.
Neticesin de, onı işke alğan şirketni taptı. Amma 2022 senesi, arbiy hızmetçiniñ aytqanına köre, er şey kene de bozuldı.
"Saba saat 4-te apayım uyandıra: "Uyan, cenk başlandı". Men cevap berdim: "Bu teşviqatnı toqtat", — dep Siğurd hatırladı.
Cenkniñ birinci künlerinden orduğa göñülli olaraq kirdi
Tolu miqyaslı istilâ başlanğan soñ, o, arbiy komissarlıqqa göñülli olaraq ketti. Birinci arbiy vazifesi atıcı edi.
"Men arbiy komisarlıqqa barğanda, olar şunı soradılar: "Sizni ne çeşit ordu meraqlandıra?" "DÜO ya da deñiz piyadesi", dedim men. Olar: "Bizler bunı böyle yapmaymız. Bağlantı, top, aviatsiya bar". "Oh, top olsun", dedim. Neticesinde ava alâqalarına oğradım", — dep o ayttı.
"Sigurd" lâğabını qardaşlar uydurdılar.
"Arqadaşım bar edi. O, o vaqıt daa çoq oynap turğan populâr kompyuter oyunınıñ qaramanlarından birine pek oşay edi. Men ondan biraz büyük edim, o er vaqıt maña "sıq-sıq kele edi", umumiy şeylerni, tecribemni soray edi. Ve olar: "Baq, sen şu şahısnıñ büyük qardaşısıñ, Siğurd olacaqsıñ" dediler. Demek, olacağım", — dep o hatırladı.
"Cenkni tehnologiyalar deñiştirdi, Ukrayina olarğa işana"
Siğurd dey ki, cenk tehnologiyaları pek tez deñişe. Şimdi, bir qaç yıl evelsi iç tüşünilmegen şeyler bar: FPV suniy zekâlı, bazı şirketler endi suniy zekâlı TRKtopraq robotlaştırılğan kompleksi yapalar.
"Ve biz qardaşımnen beraber şaat oldıq: biz TRKden Browningni köstergen videoğa qoltuttıq. Tahmin ete bilesiñizmi? O, ormanda tura, birisi çıqsa, ve o çalışır. Yani er şey, bunı endi insan yapmay", — dep arbiy hızmetçi tarif etti.
Ukrayinanıñ tehnologiyağa işanğanı doğru, dep Mıhaylo tüşüne. Ve öz cenk tecribesinden misallerni ketire ki, nasıl tehnologiya duşmanlarnı toqtatmağa yardım etti.
"Bu, duşmanımız içün büyük bir baş ağrısı, şükürler olsun. Çünki, birinciden, olar kimge qarşı cenkleşkenini añlamaylar. Ve olar özlerini, robotlar cenkleşmey, dep isbatlamağa tırışalar. "Hohollar nefes alalar", degenler kibi sade bir şey. Añladıñızmı? Asılında ise vaziyet bam-başqa. Tehnologiyağa pek yahşı baqtıq. Hatırlayım ki, eki rus ekipajınıñ radio bağları bar edi, olar: "Oğlanlar, bizler mında bir şey yapıp olamaymız. Olar pek çoq dronnı tutalar, bütün ava boşluğını qapattılar. Ve bunı biz bir ekipaj olaraq yapamız. Tahmin ete bilesiñizmi? Yani, eger, demek ki, çoq çalışsañ, duşmanıñnı da biraz aldatırsıñ", — dep o ayttı.
Cenk bitecek soñ arbiy hızmetçi Qırımğa qaytmağa arzu ete
Bu yerde üç adam çalışa. Bu tam bir ekipaj: yolcu, uçucı, tehnik. Onıñ aytqanına köre, bazı künleri o, saba saat sekizde sabalıq aşay edi. Bir dronnı qaytarıp olamağanlarına baqmadan, tehnikacı nevbetteki dronnı çıqarğan edi.
"Dron qaytıp kelgende, men şunı aytam: "Er şey, maqsat yoq etildi, qaytıp kele". Arqa tarafqa qaytıp, mütehassıs endi birincini aylandıra, çünki bizge endi BİeNbatareya idare etici noqtasıdan deyler: "Oğlanlar, uçayıq, çalışamız, çalışamız, çalışamız". İşniñ müimligini de añlaysıñ. Hususan, anda oturıp, "Bu qarşı alıcılar qayda?" dep tüşüngenler içün. Ve ne yapmaq kerek olğanını añlaysıñ. İsteseñ de, istemeseñ de", — dep o añlattı.
O, bu onıñ şahsiy cenki olğanını ayta, ve bitecek soñ Qırımğa qaytacağını ayta.
“Doğrusını aytsam, şahsiy cenkim, bu cenkniñ neticeleri ne olursa olsun, o, başlağanı yerde — Qırımda bitecek. Men bunı isteyim, çünki bu menim evim ve men keri qaytmağa isteyim. Birinciden ne yapayım? Komandanlar izin berse, men mında olğan ve olacağım er şeyni qaldıracağım, demiryol vokzalına ve evge [keterim — terciman].“
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
