Mayısnıñ 25-nde MATROS POZYNICH gemisi işğal etilgen Qırımnıñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) körfezine kirdi ve "Avlita" ububat terminalınıñ qarşısındaki 20 nomeralı iskelede turdı.
"Barıştırıcı" Merkeziniñ SeaKrime leyhasınıñ jurnalisti Katerına Yaresko bu aqqında haber etti.
"Ukrayinanıñ işğal etilgen topraqlarından (Zaporijjâ ve Herson vilâyetleri, Qırım Muhtar Cumhuriyeti) hırsızlanğan ububatnı Latakiyağa (Suriye) ketirgen soñ, gemi GULLUK Türkiye limanına kirdi, yükni alıp, işğal etilgen Sevastopolğa (Aqyarğa — terciman) ketirdi", — dep o yazdı.
Yareskonıñ aytqanına köre, bu kibi marşrutnı MATROS SHEVCHENKO da keçe. Gemi işğal etilgen Sevastopoldan (Aqyardan) İskenderunğa ububatnı ketirdi, soñra da GULLUKqa kirdi.
"İşğalciler qanunsız seferleriniñ kârlılığını arttırmağa tırışalar, ve Türkiye olarğa bu işte yardım ete: yalıñız hırsızlanğan gemilerni Samsun ve İskenderun limanlarında qabul etmeden, işğal etilgen Sevastopolğa (Aqyarğa — terciman) ketirilgen yükni bere — 2022 senesinden başlap bu gemiler başqa seferlerni yapmay ediler. Türkiye ve Qırım limanları arasında qanunsız deñiz alâqası tek Ukrayina suverenitetini degil de, Türkiye Ticaret-sanayı palatasınıñ gemicilik palatasınıñ 635/2017 nomeralı şartnamesini de boza", — dep Yareskonıñ haberinde qayd etildi.
Hatırlatamız ki, mayısnıñ 23-nde Yareskonıñ yazğanına köre, işğal etilgen Qırımdan muntazam sürette ububatnı çıqarğan ZAID Rusiye gemisi Sevastopolda (Aqyarda) 35,8 biñ tonna boğday yüklep, İskenderun adlı Türkiye limanına yol aldı. Yol vaqtında gemi AIS-transponderni söndürdi ve bulunğan yerini gizlemek içün spufing qullana edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
