V.N. Karazin adına Harkiv milliy universiteti "Ukrayina prezidentiniñ Qırım Muhtar Cumhuriyetindeki temsilciliginen birlikte teşkil etilgen işğalden azat etilecek topraqlarda devlet idaresi" magistratura programmasına yañı çağıruvnı ilân etti.
Temsilcilik bunı bildirdi.
Programma işğalden azat etüv, reintegratsiya ve cenkten soñ Ukrayinanı ğayrıdan tiklev meseleleri üzerinde çalışacaq mütehassıslarnı azırlamağa doğrultılğan. Oquv devlet memurları, yerli idare organlarınıñ vekilleri, veteranlar, vaqtınca işğal etilgen topraqlardan köçip kelgenler ve işğalden azat etilecek bölgelerge nisbeten devlet siyasetiniñ şekillenmesinde iştirak etmege istegen er keske doğrultılğan.
Programma çerçivesinde talebeler keçici ve zıddiyetten tış topraqlarnı idare etüv halqara tecribesini, Ukraiynanıñ vaqtınca işğal etilgen topraqlarına nisbeten devlet siyasetiniñ hususiyetlerini, reintegratsiyanıñ havfsızlıq, uquqiy ve gumanitar aspektlerini, em de işğalden tış devlet idaresiniñ ğayrıdan tiklenüv mehanizmlerini ögrenecekler.
Hatırlatamız ki, programmağa ilk saylav 2025 senesi oldı. O vaqıt 26 student, olarnıñ arasında arbiy areket iştirakçileri ve veteranlar bar edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
