Rusiye Federatsiyası Cenübiy bölge arbiy mahkemesi Keriç sakinini "işğal etilgen Qırımda demiryolnı patlatmaq azırlığı" davasında qapalı rejimde ruhiyat hastahanesine muddetsiz mecburiy tedaviylevge yolladı.
RİA "Novosti Krıma", FSBniñ Rostov vilâyetindeki idaresine atfı etip, bunı bildirdi.
Rusiye quvetçileri iddia eteler ki, adam "Rusiye ordusı içün yaqarlıq taşıması içün qullanılğan yerge ücüm etmege planlaştıra edi". Olarnıñ malümatına köre, 32 yaşındaki Keriç sakini "Ukrayina mahsus hızmetleriniñ hadimleri tarafından celp etildi ve patlayıcı aletlernen oğraşmağa ögretildi". FSB bildirdi ki, "adam, öz başına yapılğan patlayıcı cihazınıñ parçalarını satın aldı ve olarnı öz dairesinde saqladı".
Rusiye tarafı iddia etti ki, patlayıcı "Keriçte Rusiye ordusı içün yaqarlıq ve yağ taşığan tankerlerni taşığan demiryolnı patlatmaq içün qullanılacaq edi".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
