"Qırım partizanları" areketiniñ iştirakçileri işğal etilgen yarımadağa gaz berilmesi içün qullanılğan "Kuban — Qırım" magistral gaz borusınıñ bir qısmı bozulğanını bildirdi. Aktsiya qırımtatar halqınıñ sürgünligi yıllığına bağışlandı.
Areketniñ Telegram kanalında bu aqqında haber etildi.
"Rusiyeniñ bizge yapqanı bütün yaramaylıqlarnı hatırlaymız ve er bir yaramaylıq içün intiqam alacaqmız", — dep partizanlar qayd ettiler.
Areket bildirdi ki, diversiya qırımtatar halqınıñ sürgünlik fedalarını añma kününe bağışlandı.
"Ruslar qırımtatarlarnı öz evlerinden sürgün etip, olarnıñ toprağında Rusiye kommunikatsiyalarını qurmaq — muvafaqiyetli strategiya olğanını tüşünse, Qırım partizanları bunı red ete", — dep haberde qayd etildi.
Areketniñ malümatına köre, bu sefer yarımadada işğalli qurulışlarnıñ ihtiyaclarını temin etken "Kuban — Qırım" gaz borusı zarar kördi.
Rusiye yarımadanı işğal etken soñ Krasnodar ülkesinden Qırımğa tabiiy gaz taşuvı içün 359 kilometr uzunlığında "Kuban — Qırım" magistral gaz borusını qurdı. O, 2016 senesi ilk qış ayında çalışıp başladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñiz
