Rusiyeniñ Sankt-Peterburg şeerinde mayısnıñ 17-nde polis Rusiye, Qırım ve qırımtatar bayraqlarını açqan Simferopoldan (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adten) "Nefes" qırımtatar bala ansambliniñ üç reberini tuttı. Quvetçiler sarı tamğanen mavı bayraqnı "aşırıcı" dep tanıdılar ve onı çıqarıp attılar.
"Fontanka" yerli neşiri bunı bildirdi.
Bu, Peteropavlov qalesine ekskursiya vaqtında oldı. O vaqıt qırımtatar milliy urbaları kiygen balalar Rusiye, Qırım ve qırımtatar bayraqlarını köterip, reberlernen foto çıqardılar.
Arasında horeograf Sevile Halilova olğan yaqalanğanlar "izin berilmegen miting" teşkil etüvde qabaatlanıp, gecege bölükte tutuldı. Ertesi künü olarnı mahkemege ketirdiler.
Halilovanıñ aytqanına köre, bundan evel ansambl Peterburgda qırımtatar bayrağınen çıqışta bulundı ve "bir de bir mesele olmadı".
Hatırlatamız ki, Kıyivde mayıs 18-de qırımtatar halqınıñ sürgünlik fedalarınıñ hatırasını ürmetnen añdılar. İnsanlar genotsid fedaları memorialına çiçekler ketirdiler, çıraqlarnı yaqıp, qorantalarınıñ 1944 senesiniñ vaqiaları aqqında ikâyelerini añlattılar.
Bundan evel qırımtatarı Gülnara Bekirova İçtimaiy Qırımğa müzey eksponatları olğan aile yadikârlıqları ve qırımtatarlar kelecek nesilge bergen hatıralar aqqında ikâye etti.
Bundan evel qırımtatar Gülnara Bekirova Suspilne Qırımğa müzey eksponatları olğan aile muqaddesatları, qırımtatarlarnıñ kelecek nesillerine bergenleri hatıra aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
