Qırımda Rusiye arbiy hızmetçileri yerli sakinlerge hırsızlanğan iqtisadiy ve arbiy mallarnı yañıdan satalar. Bu bahar böyle "satışlar"nıñ sayısı arttı.
Radio Svobodanıñ "Qırım.Aqiqat" leyhası yerli faalcige atfı etip, bunı bildirdi.
"Bu "commis voyageur"lar soqaqta keteler ve avtomobillerinden, "SVO"dan kelgenlerini aytalar, generator, gaz pıçaqları ve ev işlerinde qullanılğan diger aletler kerekmi, dep soraylar. Bazar fiyatlarından bayağı ucuz satalar, aman-aman alış-veriş yapmayıp bermege azırlar. Añlaşılır ki, bular ya çalınğan, ya da göñülliler tarafından berilgen ve arbiy bölükte qayd etilmegen. Belli ki, olar Qırımnı seve ediler, çünki mında insanlar yañı işğal etilgen topraqlarğa baqqanda daa zengin. İşte böyle bir "iş" endi Qırımda peyda oldı", — dep faalci tarif etti.
Hatırlatamız ki, "Ateş" arbiy-partizan areketiniñ malümatına köre, Qırımdaki iqtisadiy qıyınlıqlar ve içtimaiy astyapı bozulması fonunda yerli sakinler arasında "SVO iştirakçileri" ve olarnıñ qorantaları içün ayrı imtiyazlar sebebinden narazılıq arta.
Partizanlarnıñ malümatına köre, yerli sakinler, iqtisadiy vaziyetniñ kerginleşkenine baqmadan, tasil, mesken ve içtimaiy resurslarğa musaviy irişim olmağanından açuvlanalar.
"Ateş" areketiniñ bildirgenine köre, "arbiy areketlerniñ iştirakçileri"niñ balaları içün evler ve topraq damartılarınıñ berilmesi ve aliy oquv yurtlarına kirişniñ qolaylaştırılması aqqında söz yürsetile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
